Erbolat Dosaev tasqynnyń betin qaıtarýǵa kómektesken almatylyqtardy marapattady
ALMATY. KAZINFORM – Almatyda Abaı alańynda Qazaqstan halqynyń birligi kúnine arnalǵan merekelik kontsert ótti. Saltanatty sharaǵa qala ákimi Erbolat Dosaev qatysty.
Merekelik baǵdarlama «Bereke – birlikte» jalpyrespýblıkalyq aktsııasy aıasynda sý tasqynynan zardap shekkenderge gýmanıtarlyq kómek jınap, jetkizýge atsalysqan, eriktilerdi, belsendi azamattardy, mádenıet qaıratkerleri men Qazaqstan halqy Assambleıasy ókilderin marapattaýdan bastaldy.
Almaty qalasynyń ákimi Erbolat Dosaev sý tasqynynan zardap shekken azamattarǵa gýmanıtarlyq kómekti jınaýǵa jáne jetkizýge belsene atsalysqan Qazaqstan halqy Assambleıasynyń metsenattaryna, sondaı-aq Batys Qazaqstan oblysyna tasqynyń betin qaıtarýǵa barǵan eriktilerge, kommýnaldyq mekemeler men kásiporyndardyń qyzmetkerlerine rahmet aıtyp, alǵys hattar tabys etti.
Qala basshysynyń atynan alǵys hat alǵandar:
• Dolkýntaı Abdýlhalıl – Qazaqstan uıǵyrlarynyń respýblıkalyq mádenı ortalyǵynyń tóraǵasy;
• Mahmýd Elıas – «Arıana» aýǵan ortalyǵy» qoǵamdyq birlestiginiń tóraǵasy;
• Gahraman Sadıev – «Ázirbaıjandar qaýymdastyǵy» RQB Almatydaǵy fılıalynyń tóraǵasy;
• Andreı Shın – «Almaty koreı ulttyq ortalyǵy» qoǵamdyq birlestiginiń tóraǵasy;
• Ábýbákir Voıntse – «Dúngen qazaqstandyq qoǵamy» qoǵamdyq birlestiginiń tóraǵasy;
• Manas Táshibekov – «Muras»qyrǵyz etnomádenı ortalyǵy” qoǵamdyq birlestigi tóraǵasynyń orynbasary;
• Rýstam Qaıryev – Almatydaǵy «Assambleıa jastary» RQB ókildiginiń kýratory, Almaty qalasyndaǵy QHA sý tasqyny saldarynan zardap shekken adamdarǵa gýmanıtarlyq kómek jınaý jónindegi shtabtyń basshysy;
• Anna Torosıan – Almatydaǵy «Jastar Assambleıasy» RQB ókildiginiń tóraǵasy;
• Omar Muhammedsarýar-Almatydaǵy «Jastar Assambleıasy» RQB ókildiginiń múshesi;
• Ǵanı Kandıev – erikti, Almaty qoǵamdyq Keńesiniń sarapshysy;
• Saken Ibraımov – «Almaty tazalyq» júrgizýshi-mehanık;
• Orazǵalı Omar – erikti;
• Oqas Qýanysh – «Samuryq Konstrakshn toby» júk kóliginiń júrgizýshisi;
• Aıdar Sultanoa – «Adala Construction» ınjener jolshysy;
• Asanova Sholpan – Almaty-1 stantsııasynyń aǵa júk qabyldaý-tapsyrýshysy.
