Dosaev «Samuryq-Qazyna» dırektorlar keńesiniń quramyna endi

ASTANA. KAZINFORM — Almatynyń eks-ákimi Erbolat Dosaev «Samuryq-Qazyna» dırektorlar keńesiniń quramyna kirdi. Qazir dırektorlar keńesiniń 8 múshesi bar, dep habarlaıdy qordyń baspasóz qyzmeti.

— Qazaqstan Respýblıkasy Úkimetiniń 2025 jylǵy 20 jeltoqsandaǵy № 1118 «Qazaqstan Respýblıkasy Úkimetiniń 2008 jylǵy 17 qazandaǵy № 962 «Qazaqstan Respýblıkasy Prezıdentiniń 2008 jylǵy 13 qazandaǵy № 669 Jarlyǵyn iske asyrý jónindegi sharalar týraly» jáne 2013 jylǵy 25 mamyrdaǵy № 516 «Qazaqstan Respýblıkasy Prezıdentiniń 2013 jylǵy 22 mamyrdaǵy № 571 «Damý ınstıtýttary, qarjy uıymdary jáne ulttyq ekonomıkany damytý júıesin ońtaılandyrý jónindegi keıbir sharalar týraly» Jarlyǵyn iske asyrý jónindegi sharalar týraly» qaýlylaryna ózgerister engizý týraly» qaýlysyna sáıkes Qazaqstan Respýblıkasy Prezıdenti Ákimshiligi basshysynyń orynbasary Dosaev Erbolat Asqaruly «Samuryq-Qazyna» AQ Dırektorlar keńesiniń múshesi bolyp saılandy, — delingen habarlamada.

Qazirgi tańda «Samuryq-Qazyna» AQ dırektorlar keńesiniń 8 múshesi bar, onyń 4-ýi — táýelsiz dırektor sanalady. Bul korporatıvtik basqarýdyń úzdik tájirıbelerine saı keledi jáne strategııalyq sheshimderdi tıimdi qabyldaýdy qamtamasyz etedi.

Budan buryn mamyr aıynda Erbolat Dosaev Almaty qalasynyń ákimi qyzmetinen ketkeni belgili boldy.

Keıinnen qyrkúıekte Dosaev jańa qyzmetke taǵaıyndalǵany anyqtaldy.