Erbolat Dosaev polıtsııa qyzmetkerlerimen kezdesti
ALMATY. QazAqparat- Almaty ákimi Erbolat Dosaev qalalyq polıtsııa departamentinde quqyq qorǵaý organdarynyń qyzmetkerlerimen kezdesti, dep habarlaıdy QazAqparat tilshisi. Kezdesý barysynda qala ákimi polıtsııa qyzmetkerlerine terrorıstik shabýyldar kezindegi qyzmetteri úshin alǵysyn bildirdi.
«Óz atymnan qańtar tragedııasy kezinde kásibı mindetti minsiz atqarǵanyńyz úshin alǵys aıtam. Mundaı qaıǵyly jaǵdaıdy keleside boldyrmas úshin polıtsııa qyzmetin jandandyryp, zamanaýı tehnıkamen jabdyqtaý kerek ekenin qalaǵa jasalǵan shabýyl aıqyndap berdi.
Qaza tapqan polıtseılerdiń otbasylaryna kómek kórsetildi, qazir búlingen ǵımarattar jóndelip, qaıta qalpyna keltirý jumystary júrip jatyr. Biz bárimiz qalanyń tynyshtyǵy úshin tik turyp, aıanbaı eńbek ete alatynymyzǵa senim bildirgim keledi. Biz sizderge qalanyń eń basty baılyǵy – Almaty turǵyndarynyń amandyǵy men densaýlyǵyn senip tapsyramyz», - dedi Erbolat Dosaev.
Sondaı-aq qala ákimine Jedel basqarý ortalyǵy, onyń ishinde búkil qala boıynsha ornatylǵan 10 myńnan astam beınekameraǵa qosylǵan beınebaqylaý júıesi kórsetildi.
