Erbolat Dosaev medıtsınany tsıfrlandyrý nátıjesin baıandady

ASTANA. QazAqparat - Búgin Úkimettiń keńeıtilgen quramdaǵy otyrysynda QR Premer-Mınıstriniń orynbasary Erbolat Dosaev emhanalarǵa qoljetimdilik pen salany tsıfrlandyrýǵa qatysty baıandady, dep habarlaıdy QazAqparat.

«Emhanalardaǵy kezekti tómendetý men qoljetimdilikti arttyrý úshin 1 142 jańa dárigerlik ýchaske, 97 bastapqy medıtsınalyq-sanıtarlyq kómek nysany quryldy. Sonymen qatar, dáriger qabyldaýyna onlaın jazylý engizildi. Nátıjesinde, búginde emhanalardaǵy adam kezegi eki esege tómendedi», - dedi E. Dosaev.

Onyń sózine qaraǵanda, azamattardyń 90 paıyzynda elektrondyq densaýlyq pasporttary bar. Sáıkesinshe, eldegi barlyq medıtsınalyq mekemeler elektrondyq qujat aınalymǵa tolyqtaı kóshti.