Erbolat Dosaev Almaty qalasynyń ákimi qyzmetinen ketti
ASTANA. KAZINFORM — Memleket basshysynyń Jarlyǵymen Erbolat Dosaev Almaty qalasynyń ákimi laýazymynan bosatyldy. Bul týraly Aqordanyń baspasóz qyzmeti málimdedi.
- Memleket basshysynyń Jarlyǵymen Erbolat Asqarbekuly Dosaev Almaty qalasynyń ákimi laýazymynan bosatyldy, - delingen habarlamada.
Aıta keteıik, ol bul qyzmetke 2022 jyly taǵaıyndaldy.
Erbolat Dosaev 1970 jyly 21 mamyrda Almaty qalasynda týǵan.
Bilimi:
1993 j. – Almaty energetıkalyq ınstıtýtyn, Baýman atyndaǵy Máskeý memlekettik tehnıkalyq ýnıversıtetin bitirgen.
Eńbek joly:
1993-1994 jj. – «Іsker» MAÓQ menedjeri, «Vega» ShK dırektorynyń orynbasary.
1994-1996 jj. – «Aktsept» Fırmasy» JShS dırektorynyń orynbasary, dırektory.
1996-1997 jj. – «Aktsept» Korporatsııasy» JAQ dırektory, birinshi vıtse-prezıdenti, bas dırektory, «Turan Álem Banki» JAQ Basqarma tóraǵasynyń orynbasary.
1997 jyldyń tamyzy – 1998 jyldyń naýryzy – «Almaty saýda-qarjy banki» JAQ basqarma tóraǵasy.
1998 jyldyń naýryzy-shildesi – Qazaqstan Premer-mınıstri keńesshisi.
1999-2001 jj. – Qazaqstan qundy qaǵazdar boıynsha ulttyq komısııasy múshesi.
1998-2000 jj. – Qazaqstan Energetıka, ındýstrııa jáne saýda vıtse-mınıstri.
2000-2001 jj. – Qazaqstan Respýblıkasy Qarjy vıtse-mınıstri.
2001-2002 jj. – Qazaqstan Respýblıkasy Tabıǵı monopolııalar, básekelestikti qorǵaý jáne shaǵyn bıznesti qoldaý agenttiginiń tóraǵasy.
2003-2004 jj. – Qazaqstan Respýblıkasynyń Qarjy mınıstri; Qazaqstandaǵy Eýropalyq qaıta qurý jáne damý bankiniń basqarýshysy; Qazaqstan Respýblıkasy Ulttyq bankiniń basqarma múshesi.
2004-2006 jj. – Qazaqstan Respýblıkasynyń Densaýlyq saqtaý mınıstri.
2012-2013 jj. – Qazaqstan Respýblıkasynyń Ekonomıkalyq damý jáne saýda mınıstri.
2013-2014 jj. – Qazaqstan Respýblıkasynyń Ekonomıka jáne bıýdjettik josparlaý mınıstri.
2014-2016 jj. – Qazaqstan Respýblıkasynyń Ulttyq ekonomıka mınıstri.
2016 jyldyń shildesi – 2017 jyldyń tamyzy – «Báıterek» UBH basqarmasynyń tóraǵasy.
2017 jyldyń 29 tamyzy – 2019 jyldyń 25 aqpany – Qazaqstan Respýblıkasy Premer-mınıstriniń orynbasary.
2019 jyldyń 26 aqpanynan Qazaqstan Ulttyq banki tóraǵasy.
2022 jyldyń 31 qańtarynan Almaty qalasynyń ákimi boldy.
Aıta keteıik, Almaty máslıhaty búgin qala ákimin saılaý úshin jınalady.
