Erbolat Dosaev qarjy naryǵyna jańa bankterdiń kirýine qatysty pikir bildirdi
NUR-SULTAN. QazAqparat – QR Ulttyq bank tóraǵasy Erbolat Dosaev otandyq bankter básekelestikke daıyn ekenin málim etti, dep habarlaıdy QazAqparat tilshisi.
«Maǵan únemi reseılik iri banktermen básekelestikke qatysty suraq qoıyp jatady. Búginde enshilis bank túrinde barlyq úsh iri ınstıtýt (Sberbank, VTB, Alfa bank) bizde jumys istep jatyr. Sonymen qatar, fılıal retinde qytaılyq bankter de qyzmet kórsetýde», - dep toqtaldy E. Dosaev.
Osy oraıda ol qazaqstandyq bankterdiń básekege qabilettiligine alańdaýdyń sebebi joq ekenin atap ótti.
«Aldaǵy jyldyń jeltoqsan aıynan bastap tikeleı fılıalyn quratyn bas ınstıtýttyń negizgi kapıtaly 20 mlrd AQSh dollaryn quraýy tıis. Bul óz kezeginde tek iri ınstıtýttardyń kirýin ǵana qamtamasyz etedi. Osy oraıda bizdiń naryqqa olardyń kelýinen eshqandaı problemany baıqap turǵanym joq. Kerisinshe, tikeleı kapıtalmen jáne birlesken kapıtal túrindegi 14 shetel bankiniń jumysy kezeńinde bizdiń banktik ınstıtýttar ózderiniń jumystaryn belsendi etip, tarıfterin tómendetti, sondaı-aq jańa ónimderdi engizdi», - dep toqtaldy E. Dosaev Parlament Májilisinde tilshiler saýalyna jaýap bere otyryp.
