Erbolat Dosaev: Qaryzdy laıyqty deńgeıde basqaryp otyrǵanymyzdy kórsetý qajet

ASTANA. QazAqparat - QR Qarjy mınıstrliginiń keńeıtilgen alqa májilisinde Premer-Mınıstrdiń orynbasary Erbolat Dosaev memlekettik qaryz boıynsha qadaǵalaý kúsheıtiletinin málim etti, dep habarlaıdy QazAqparat.

«Memlekettik qaryzdy qaýipsiz deńgeıde ustap turý jeke másele. Osyǵan deıin Ulttyq ekonomıka mınıstrligine Qarjy mınıstrligimen, Ulttyq bankpen birlese otyryp onyń jaǵdaıyn qadaǵalaýdy kúsheıtý men monıtorıng júrgizý qajettigi tapsyrylǵan bolatyn», - dep toqtaldy E. Dosaev.

Sonymen qatar ol bıyldan bastap kvazımemlekettik sektordyń qaryzyn retteý boıynsha qajetti tetikter qolǵa alynǵanyn eske salyp ótti.

«Bul turǵyda biz qalypty jumys tetigin qurýǵa tıistimiz. Osy rette ony barlyq taraptar qabyldap, talaptardy ustanýy tıis. Atap aıtqanda, kerek bolǵan jumystar bastalyp ketti, zańnamaǵa qajetti ózgeristerdi Parlament qoldady. Endi tájirıbe júzinde biz qaryzdy laıyqty deńgeıde basqaryp otyrǵanymyzdy kórsetýimiz kerek», - dedi Úkimet basshysynyń orynbasary.

Esterińizge sala keteıik, bıyl 9 aqpanda ótken Úkimettiń keńeıtilgen májilisinde Elbasy Nursultan Nazarbaev Qarjy mınıstrine memlekettik qaryzdy azaıtýdy tapsyrdy.