Erbolat Dosaev Beıjińde birqatar iskerlik kelissóz ótkizdi
ASTANA. QazAqparat - Memleket basshysy Nursultan Nazarbaevtyń Qytaı Halyq Respýblıkasyna jumys sapary qarsańynda «Báıterek» ulttyq basqarýshy holdıngi» AQ Basqarma tóraǵasy Erbolat Dosaev Beıjiń qalasynda búgin birqatar iskerlik kelissózder ótkizdi, dep habarlady qordyń baspasóz qyzmetinen.
E.Dosaev Qytaıdyń iri memlekettik CITIC Group korporatsııasynyń Prezıdenti Van Tszıýnmen kezdesti. Taraptar «Nurly jol» memlekettik baǵdarlamasy jáne ındýstrııalyq-ınnovatsııalyq damý jónindegi ózektendendirilgen baǵdarlamasy aıasynda birlesken ındýstrııalyq jáne ınfraqurylymdyq jobalardy iske asyrý boıynsha yntymaqtastyqty jalǵastyrýǵa nıetti ekenderin rastady.
Sonymen qatar onyń Qytaı Memlekettik bankiniń vıtse-prezıdenti Dın Sıangchýnmen kezdesýinde seriktes Qazaqstannyń Damý Banki («Báıterek» holdınginiń enshiles uıymy) arqyly «Nurly jol» baǵdarlamasy aýqymyndaǵy jobalardy qarjylandyrý kólemin ulǵaıtý týraly sóz qozǵaldy. Sondaı-aq, taraptar adam kapıtalyn damytý mańyzdylyǵyn atap ótip, birlesken trenıngter men semınarlardy uıymdastyrý arqyly tájirıbe almasýdy jandandyrýdy usyndy.
Holdıng tóraǵasynyń Azııa ınfraqurylymdyq ınvestıtsııalar bankiniń (AIIB) vıtse-prezıdenti Dı Djeı Pandıanmen júrgizgen kelissózder qorytyndysy boıynsha taraptar energetıka, kólik ınfraqurylymy men azyq-túlikti óńdeý salalaryndaǵy basym ınfraqurylymdyq jobalardy birlesip qarjylandyrý úshin aqparatpen almasý jáne jańa ınvestıtsııalyq múmkindikterdi izdestirý jónindegi jumystardy jandandyrý qajettiligin tilge tıek etti.
«Báıterek» holdınginiń jańa quraldaryn, onyń ishinde korporatıvtik kepildik berýdi paıdalana otyryp, ınvestıtsııalyq jobalardy qarjylandyrý múmkindigin qarastyrý ýaǵdalastyǵyna E.Dosaevtyń Qytaıdyń «Eksımbank» vıtse-prezıdenti ıÝan Sınıongpen kezdesýinde qol jetkizildi. Osydan buryn «Báıterek» holdınginiń enshiles uıymdary qytaılyq bankpen birlesip, munaıdy óńdeý jáne metallýrgııa salasyndaǵy iri ındýstrııalyq jobalardy tabysty júzege asyrǵan bolatyn.
FOTO: forbes.kz
