Erbolat Dosaev azyq-túliktiń qymbattaý sebebin túsindirdi
«Tótenshe jaǵdaı men karantın talaptarynda tamaq ónimderine suranystyń ósýinen Qazaqstandaǵy jyldyq ınflıatsııa údeýin jalǵastyrdy jáne eki aı qatarynan 2020 jyly 4-6% nysanaly dálizden asty. Bıylǵy sáýirde ınflıatsııa 6,8% deńgeıinde qalyptasty. Saýdalyq seriktes elderde karantın sharalary engizilip, ımport shekteldi jáne usynystyń jetkiliksiz bolýynan azyq-túlik taýarlary baǵasy bir aıda 1,9% ósti, jyldyq ósim 10,4%-ke deıin jyldamdady. Bul - 2017 jyldan bergi eń joǵary ósim», - dedi Erbolat Dosaev qańtar-sáýirdegi áleýmettik-ekonomıkalyq damý qorytyndylary týraly Úkimet otyrysynda.
Spıkerdiń aıtýynsha, bıylǵy sáýirde kóbinese jemister men kókónister – 5,6%, qant – 6,2% jáne jarmalar – 3,4% qymbattady.
«Saýda jáne servıs obektileri qyzmetiniń toqtatylýyna baılanysty azyq-túlikke jatpaıtyn taýarlar men aqyly qyzmetter baǵasynyń da ósýi aldyńǵy aıdyń deńgeıinde saqtalyp otyr. Azyq-túlikke jatpaıtyn taýarlar baǵasy jyldyq mánde 5,4%-ke ósti. Ulttyq valıýtanyń álsireýine baılanysty dári-dármekter men jeke qoldanystaǵy taýarlar sııaqty jekelegen taýarlar baǵasynyń ósýi janar-jaǵarmaı baǵasynyń tómendeýimen retteldi. Aqyly qyzmetter baǵasynyń jyldyq ósýi 3,5% deńgeıinde saqtaldy», - dedi E. Dosaev.
