Erbolat Dosaev Almatynyń Túrksib aýdanyn damytý boıynsha birqatar tapsyrma berdi
Almaty ákimi Erbolat Dosaev Túrksib aýdanyndaǵy jumys saparyn «Álmerek» yqshamaýdanynan bastady. Munda qala ákimi kún tártibinde turǵan máselelerdi sheshý jónindegi usynystarmen tanysty. Jaıly qalalyq orta basqarmasyna múddeli memlekettik organdarmen birlesip bıylǵy jyly medıtsınalyq nysannyń qurylysyn jobalaýdy bastaý, balabaqsha, sport jáne balalar alańdarynyń qurylysyn odan ári júrgizý máselesin pysyqtaý, №195 mektepke qosymsha nysannyń qurylysyn jobalaý merzimin jedeldetý jáne bıyl qurylysty bastaý týraly tapsyrmalar berildi.
Turǵyndardy ortalyqtan sapaly sýmen jáne sý burýmen qamtamasyz etý maqsatynda bıyl yqshamaýdanda ınjenerlik jelilerdiń II kezeńiniń qurylysy bastalady. Sýmen – 287, sý burýmen 519 úılerdi qamtý josparlanýda.
Jumys sapary barysynda qala ákimi «Avıator» stadıonynyń aýmaǵyn aralap kórdi. Sport nysany 3 gektar aýmaqta ornalasqan, al onyń basym bóligi bos. Osyǵan baılanysty dene shynyqtyrý-saýyqtyrý keshenin jobalaýdy bastaý týraly sheshim qabyldandy. Onyń sektsııalaryna «Nurshashqan», «Álmerek» yqshamaýdandarynyń, sondaı-aq áýejaı mańyndaǵy turǵyn úı alabynyń balalary tegin bara alady. Sondaı-aq, jumys istep turǵan stadıondy jańǵyrtýǵa erekshe nazar aýdarylady: kórermender trıbýnalary men sheshinetin bólmeler, boıynsha jumystar júrgiziledi, júgirý joly salynady.
Sondaı-aq, qala basshysy Ogarev kóshesindegi jumys istemeıtin burynǵy vedomstvolyq balabaqshanyń aýmaǵyn paıdalaný josparlarymen tanysty. Onyń jer kólemi 2 gektardan asady. Qazirgi kezde árqaısysy 160 oryndy memlekettik zamanaýı balabaqsha men balalardyń damý jáne shyǵarmashylyq ortalyǵynyń qurylysy jobalanýda. Osy yqsham aýdanda 400-ge jýyq bala kezekte tur, al munda 280 oryndy bir ǵana №185 memlekettik balabaqsha bar. Osyny eskere otyryp, qala ákimi jobalaý jumystaryn aǵymdaǵy jyldyń III toqsanynyń sońyna deıin aıaqtaý ári iske asyrý boıynsha tapsyrma berdi.
«Qaırat» yqshamaýdanynda Erbolat Dosaev 41 kóppáterli turǵyn úıdiń, 1500 oqýshyǵa arnalǵan jalpy bilim beretin mekteptiń qurylysymen, emhana men balabaqshany jobalaý barysymen tanysty. Bıylǵy jyldyń sońyna deıin mektepti paıdalanýǵa berý, úılerdiń qurylysyn aıaqtaý jáne bıyl emhana men balabaqsha boıynsha qurylys-montaj jumystaryn bastaý josparlanýda.
Sýmen jabdyqtaý jáne káriz máselelerine erekshe nazar aýdaryldy. Ótken jyly munda sýmen jabdyqtaý jáne káriz jelileriniń qurylysy boıynsha negizgi jumystar aıaqtaldy. Alaıda, búginde 200-ge jýyq úı jobaǵa áli kirmegen. Qalanyń Energotıimdilik jáne ınfraqurylymdyq damý basqarmasyna abonentterdi jelilerge qosý jumystaryn ústimizdegi jyldyń shildesine deıin aıaqtaý jáne ınjenerlik jelilerdiń qurylysyna kirisý tapsyryldy.
Shahar basshysy 30-shy jyldary salynǵan memlekettik tilde oqytatyn №59 mektep-gımnazııada boldy. Qazirgi kezde jobalyq qýaty 860 oryndy mektepte 1251 oqýshy bilim alýda. Aǵymdaǵy jyldyń aqpan aıynda mektep-gımnazııanyń janynan qosalqy nysan salý jónindegi jobalyq qujattama memlekettik saraptamanyń qorytyndysyn aldy. Qalalyq jaıly orta basqarmasyna rekonstrýktsııadan soń sport alańyn abattandyrý úshin tıisti aýmaqty keńeıtý tapsyryldy.
Sondaı-aq, qala ákimi eski úılerdi renovatsııalaý aıasynda salynyp jatqan úılerdiń qurylys barysymen tanysty. Saýranbaev, Moldaǵalıev, Chernyshevskıı, Tolstoı kósheleriniń bóliginde 4 úı buzylyp, 3 úı salyndy, 7 úıdiń qurylysy jalǵasýda. Jalpy, Túrksib aýdanyndaǵy 606 úı renovatsııa baǵdarlamasyna jatady, bul Almaty qalasyndaǵy eski turǵyn úılerdiń jalpy sanynyń 50%-yn quraıdy.
Aýdandy aralaý barysynda abattandyrý, sonyń ishinde Oqýshylar úıiniń janynda ornalasqan skverdi rekonstrýktsııalaý jáne jańa rekreatsııalyq aımaqtardy qurý boıynsha jobalar tanystyryldy.
Qala ákimi Túrksib aýdanynyń ákimi B. Aqjarovtyń jumysyn maquldady jáne «Shetsiz qala» baǵdarlamasy aıasynda aýdandy odan ári damytý boıynsha birqatar naqty tapsyrmalar berdi.
