Erbolat Dosaev álemdik ekonomıkaǵa sholý usyndy
«Álemdik qarjy jáne taýar naryǵy koronavırýsty juqtyrýdyń qaıtalanýy jáne álemde jańa shekteý sharalaryn engizý aıasynda jetkilikti túrde qubylmaly bolyp qalýda. Jahandyq qor ındeksteriniń serpini eki faktormen aıqyndalady: álemde koronavırýstyń taralýy jáne AQSh pen Qytaı arasyndaǵy saýda qatynastary boıynsha belgisizdikti týdyratyn AQSh-taǵy saılaý, sonymen birge AQSh pen EO-daǵy qosymsha fıskaldyq yntalandyrýdy qabyldaý. Osy jylǵy qyrkúıekte damýshy elderdiń qor naryqtarynyń ındeksi 1,77, damyǵan elder aktsııalarynyń ındeksi 3,59 paıyzǵa tómendedi. Atalǵan faktorlar basqa elderdegi, atap aıtqanda Eýropadaǵy álsiz derektermen birge dollar qunynyń ósýine jáne altynnyń 4 paıyzǵa arzandaýyna alyp keldi. Global Composite PMI ındeksi osy jylǵy tamyzdaǵy 52,4 tarmaqtan qyrkúıekte 52,1 tarmaqqa deıin tómendedi. Alaıda óndiris kóleminiń jáne jańa tapsyrystardyń ósýi aıasynda Global Manufacturing PMI ındeksi osy jylǵy tamyzda 51,8 tarmaqtan 52,3 tarmaqqa deıin ósti», - dedi ol.
UB tóraǵasynyń dereginshe, Qytaı ónerkásibindegi iskerlik belsendilik ındeksi bıylǵy qyrkúıekte bir aı burynǵy 53,1 kórsetkishimen salystyrǵanda 53 tarmaqqa deıin azdap tómendedi.
Eýroaımaqta osy jylǵy qyrkúıekte iskerlik belsendilik nasharlady. Reseıde ónerkásiptegi PMI ındeksi aǵymdaǵy jylǵy qyrkúıekte 51,1 tarmaqtan 48,9 tarmaqqa deıin tómendedi.
«Qazaqstanda iskerlik belsendilik ındeksi qurylystaǵy jáne qyzmet kórsetý salasyndaǵy ósý esebinen osy jylǵy qyrkúıekte bir aı burynǵy 45,4 tarmaqtan 47,6 tarmaqqa deıin kóterildi. Ónerkásipte ındeks 47,8 tarmaqqa deıin 0,5 tarmaqqa tómendedi. Jalaqy alýshylardyń úlesi qalpyna kelýde, memlekettik járdemaqy alýshylardyń úlesi tómendeýde jáne de respondentterdiń iri satyp alýlarǵa daıyndyǵy artýda. Sońǵy 3 aıda iri satyp alýlar men shyǵyn jasaǵandar úlesi osy jylǵy kyrkúıekte 17 paıyzǵae deıin ósti. Alaıda, respondentterdiń 46 paıyzy aǵymdaǵy ýaqytty iri satyp alýlar jasaý úshin qolaısyz dep sanaıdy»,- dedi Erbolat Dosaev.