Erbolat Dosaev aldaǵy jyldary ınflıatsııa deńgeıi tómendeıtinin aıtty
«Ulttyq bank ekonomıkadaǵy suranystyń ósýine jaýap retinde dezınflıatsııalyq aqsha-kredıt saıasatyn júrgizý aıasynda shildede jáne qyrkúıekte bazalyq stavkany 9%-dan 9,5%-ǵa deıin eki ret kóterdi. Suranys tarapynan ınflıatsııaǵa qarsy qysym bıylǵy 8 aıda tutyný taýarlary ımportynyń 24%-ǵa ósýimen rastalady. Osy jaǵdaılarda Ulttyq bank baǵa turaqtylyǵyn qamtamasyz etýge baǵyttalǵan saıasatty jalǵastyrady», - dedi E. Dosaev.
Onyń paıymynsha, Úkimettiń jáne ákimdikterdiń Inflıatsııaǵa qarsy den qoıý sharalarynyń keshenin tıimdi iske asyrýy bıylǵy ınflıatsııany tejeýge jáne Memleket basshysynyń tapsyrmasy boıynsha 2022 jyly 4-6% nysanaly dálizine kirýge múmkindik beredi.
2022-2026 jyldarǵa arnalǵan áleýmettik-ekonomıkalyq damý boljamyna sáıkes, ınflıatsııanyń budan keıin tómendeýi jáne 2023-2024 jyldary 4-5% jáne 2025-2026 jyldary 3-4% deńgeıinde turaqtanýy bolady.
«Bul úshin Úkimettiń qazirgi jedel sharalarymen qatar, ekonomıkany odan ári ártaraptandyrý jáne onyń ımportqa táýeldiligin tómendetý boıynsha júıeli jumysyn jandandyrý mańyzdy. Memleket basshysynyń tapsyrmasy boıynsha 2022 jyldan bastap engiziletin kontrtsıkldyq bıýdjet qaǵıdasy memlekettik shyǵystardyń ósý qarqynyn shekteýge múmkindik beredi, sol arqyly memlekettik qarjynyń turaqtylyǵyn qamtamasyz etedi jáne ınflıatsııalyq qysymdy tómendetedi», - dedi UB basshysy.
Aıta keteıik, E. Dosaev jalpy otyrysta elimizde ınflıatsııanyń ósýiniń negizgi sebepterin aıtty.
Budan buryn habarlanǵandaı, Májilistiń jalpy otyrysynda QR Ulttyq ekonomıka mınıstri Áset Erǵalıev 2022 jyly bıýdjet tapshylyǵy jalpy ishki ónimge qatysty 3,3% deńgeıinde boljanyp otyrǵanyn aıtty.
