Erbolat Dosaev aqshany syrtqa jylystatýmen qalaı kúresetinin baıandady
«Úshinshi baǵyt kapıtaldy negizsiz shyǵarýǵa qarsy is-qımyl bolyp tabylady. Memleket basshysy tótenshe jaǵdaı rejıminiń engizilýine baılanysty kapıtaldy shetelge shyǵarý, onyń ishinde jalǵan mámileler jasaý arqyly shetelge shyǵarý táýekeliniń údeı túskenin atap ótti», - dedi Ulttyq bank basshysy.
Osyǵan baılanysty 10 qańtarda Ulttyq bank Qarjylyq monıtorıng agenttigimen jáne Qarjy naryǵyn retteý jáne damytý agenttigimen birlese otyryp elden zańsyz aqsha shyǵarýǵa baqylaýdy kúsheıtý boıynsha birlesken buıryq qabyldaǵan.
«Joǵaryda atalǵan buıryqqa sáıkes operatsııalar júrgizýge arnalǵan ótinimder boıynsha is-qımyldar algorıtmi qabyldandy, sondaı-aq kúsheıtilgen qarjylyq monıtorıng júrgizilýi tıis transshekaralyq operatsııalardyń tizbesi bekitildi. Talaptar aıqyn buzylǵan jaǵdaıda, mundaı operatsııalar jedel toqtatylatyn bolady. Qabyldanyp jatqan sharalar aqshany jylystatýǵa qarsy kúrestiń eń úzdik álemdik praktıkasyna negizdeledi jáne KYC (know your client) qaǵıdattaryn tolyqqandy engizedi», -dedi Erbolat Dosaev.
Sondaı-aq, ol atalǵan sharalar kapıtaldyń transshekaralyq aǵyndarynyń barynsha aıqyndylyǵyn qamtamasyz etýge múmkindik beretinin atady.
«Rezıdentter men beırezıdentterdi qosa alǵanda, syrtqy ekonomıkalyq qyzmettiń adal qatysýshylary men ınvestorlardyń halyqaralyq operatsııalar júrgizýi kezinde óz quqyqtaryna qysym jasalmaıtynyn jáne shekteý qoıylmaıtynyn rastaǵym keledi», - dedi Ulttyq bank tóraǵasy.
Aıta keteıik, Memleket basshysy Parlament Májilisiniń jalpy otyrysynda jekelegen-qarjy ónerkásiptik toptardyń tótenshe jaǵdaıdy paıdalanyp, qarjyny shetelge shyǵarý táýekeli artyp turǵanyn jetkizgen bolatyn.