Erbol Tileshov Astananyń tilderdi damytý basqarmasy bastyǵynyń mindetterin atqarýshy bolyp taǵaıyndaldy
ASTANA. 27 qańtar. QazAqparat - Astana qalasynyń ákimi Imanǵalı Tasmaǵambetovtyń buıryǵymen tilderdi damytý basqarmasy bastyǵynyń mindetterin atqarýshy bolyp,
buǵan deıin bul basqarmadaǵy «Rýhanııat» JShS-niń dırektory qyzmetin atqarǵan Erbol Erdembekuly Tileshov taǵaıyndaldy, dep habarlaıdy qalalyq ákimshiliktiń baspasóz qyzmeti.
Ol 2012 jyldyń 15 qańtarynda QR Parlamenti Májilisi saılaýynyń qorytyndysy boıynsha tómengi palatanyń depýtaty bolyp saılanǵan Orazgúl Asanǵazynyń ornyn basty.
«Rýhanııat» JShS-niń dırektory bolyp buǵan deıin «Astana aqshamy» gazetiniń dırektory-bas redaktory qyzmetin atqarǵan Amantaı Jarylqasynuly Shárip taǵaıyndaldy. Erbolat Tilekqabyluly Kámenov «Astana aqshamy» gazetiniń redaktory boldy.
