Erbol Tájibaev AQSh-taǵy halyqaralyq talanttar olımpıadasynda bas júlde aldy
ASTANA. KAZINFORM — Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń ártisi Erbol Tájibaev AQSh-tyń Los-Andjeles qalasynda ótken «WorldStars» halyqaralyq talanttar olımpıadasyna qatysyp, baq synaǵan 3 nomınatsııasynda bas júldege ıe boldy.
Mádenıet jáne aqparat mınıstrliginiń baspasóz qyzmetiniń málimetinshe, bedeldi baıqaý álemniń túkpir-túkpirinen jınalǵan jetekshi vokalısterge, talantty oryndaýshylarǵa ózderiniń mýzykalyq jetistikterin kórsetip, ónerin álemge pash etýge múmkindik syılaıdy.
Erbol Tájibaev Táttimbet atyndaǵy Qaraǵandy óner kolledjinde «Klassıkalyq vokal» mamandyǵy boıynsha, Abaı atyndaǵy Qazaq ulttyq pedagogıkalyq ýnıversıtetinde bilim alǵan.
Elimizdegi «Qazaqstan daýysy», «Topjargan», «Bes juldyz» jáne t.b. kóptegen bedeldi respýblıkalyq baıqaýlar men jobalarda keremet óner kórsetip, kórermen qoshemetine bólengen erekshe daryn ıesi.
