Erbol Tasjúrekov aýyl sharýashylyǵy vıtse-mınıstri qyzmetinen bosatyldy
ALMATY. KAZINFORM — Erbol Qýanyshuly Tasjúrekov QR aýyl sharýashylyǵy vıtse-mınıstri laýazymynan bosatyldy.
Bul qyzmetke Qazaqstan Respýblıkasy Úkimetiniń qaýlysymen 2023 jyldyń 15 aqpanynda taǵaıyndalǵan bolatyn.
Erbol Tasjúrekov 1979 jyly Taraz qalasynda dúnıege kelgen.
M. H. Dýlatı atyndaǵy Taraz memlekettik ýnıversıtetin, H. A. ıAsaýı atyndaǵy Memlekettik halyqaralyq qazaq-túrik ýnıversıtetin, Qazaqstan Respýblıkasy Prezıdentiniń janyndaǵy Memlekettik basqarý akademııasyn, Frantsııanyń Ulttyq ákimshilik mektebin bitirgen.
Eńbek jolyn 1998 jyly jeke menshik kompanııada menedjer bolyp bastaǵan.
Ár jyldary jeke kommertsııalyq qurylymdarda jumys istedi.
2007-2013 jj. Astana q. Almaty aýdandyq sotynda qyzmet etti.
2013-2014 jj. — QR Óńirlik damý mınıstrligi Kásipkerlikti damytý saıasaty departamenti Kásipkerlik qyzmetti normatıvtik-quqyqtyq retteýdi jetildirý basqarmasynyń basshysy; Óńirlerge monıtorıng júrgizý jáne baǵalaý departamenti Óńirlerge monıtorıng júrgizý jáne baǵalaý basqarmasynyń basshysy.
2014-2016 jj. — QR Ulttyq ekonomıka mınıstrligi Óńiraralyq yntymaqtastyq, óńirlerdi taldaý jáne baǵalaý departamenti dırektorynyń orynbasary; Óńirlik saıasat, óńirlerdi taldaý jáne baǵalaý departamenti dırektorynyń orynbasary.
2016-2018 jj. — QR Investıtsııalar jáne damý mınıstrligi Investıtsııalar komıteti tóraǵasynyń orynbasary.
2018 jyly Shymkent q. Ońtústik Qazaqstan oblysy ákiminiń orynbasary boldy.
2018-2019 jj. — Túrkistan oblysy ákiminiń orynbasary.
2019 jylǵy sáýirden 2021 jylǵy maýsymǵa deıin «QazAgro» ulttyq basqarýshy holdıngi» AQ basqarýshy dırektory — basqarma múshesi boldy.
Búgin sondaı-aq Ulttyq ulanda birqatar kadrlyq aýys-túıis boldy.
