Erbol Myrzabosynov Dúnıejúzilik etnosport konfederatsııasynyń basshylyq quramyna endi
ASTANA. KAZINFORM – Týrızm jáne sport mınıstri Erbol Myrzabosynov Dúnıejúzilik etnosport konfederatsııasynyń basshylyq quramyna endi.
Bul týraly Sankt-Peterbýrg qalasynda ótken «Dástúrli sport túrlerin qaıta jańǵyrtý» atty VII Etnosport forýmy barysynda Konfederatsııa prezıdenti Bilál Erdoǵan resmı túrde málimdedi.
Onyń aıtýynsha, Qazaqstan ulttyq sportty júıeli túrde damytyp kele jatqan jetekshi elderdiń biri retinde halyqaralyq qaýymdastyqta úlken senimge ıe.
Forýmǵa 75 elden delegattar men sarapshylar qatysty. Basqosý aıasynda dástúrli sport túrlerin damytýǵa arnalǵan taqyryptyq sessııalar, pikirtalastar jáne strategııalyq kezdesýler ótti.
— Qazaqstan etnosportty jańǵyrtýda úlgi bolarlyq qadamdar jasap keledi. Bul tájirıbeniń halyqaralyq mańyzy zor. Mınıstr Erbol Myrzabosynovtyń basshylyq quramǵa enýi — osy senimniń dáleli, — dep atap ótti Bilál Erdoǵan.
Aıta ketelik mınıstr Erbol Myrzabosynov Sankt-Peterbýrgte ótken Etnosport forýmyna qatysqan edi.