Erbol Myrzabosynov áıgili boksshy Roı Djonspen kezdesti
ASTANA. KAZINFORM - Týrızm jáne sport mınıstri Erbol Myrzabosynov áýesqoı bokstan Seýl Olımpıadasynyń kúmis júldegeri, kásipqoı bokstan absolıýtti álem chempıony, áıgili boksshy kishi Roı Djonspen kezdesti.
Kezdesý barysynda mınıstr kishi Roı Djonstyń Qazaqstanǵa arnaıy jasaǵan sapary úshin alǵys bildirip, onyń zamanaýı boks tarıhynda alar orny erekshe ekenin atap ótti.
Kishi Roı Djons – sporttaǵy biregeı sheberligimen, erekshe stılimen jáne tarıhı jetistikterimen álemdik bokstyń damýyna ólsheýsiz úles qosqan tulǵa.
– Álemdik sport tarıhynda esimi altyn árippen jazylǵan, zamanaýı bokstyń uly tulǵalarynyń biri retinde elimizge kelýińiz biz úshin úlken mártebe. Sizdiń sporttaǵy teńdessiz jetistikterińiz, jarqyn mansabyńyz ben biregeı sheberligińiz álemniń túkpir-túkpirindegi jas sportshylarǵa shabyt syılaǵany sózsiz. Otandyq boksshylar árdaıym Sizdi kásibı sheberlik pen adamgershiliktiń úlgisi retinde úlken qurmetpen baǵalaıdy. Bokstyń damýyna qosqan baǵa jetpes úlesińizdi, sondaı-aq jastarmen júrgizip kele jatqan belsendi jumysyńyzdy joǵary baǵalaımyz, – dedi Erbol Myrzabosynov.
Kishi Roı Djons – Seýl Olımpıadasynyń kúmis júldegeri, kásipqoı boksta birneshe salmaq dárejesinde álem chempıony atanǵan biregeı sportshy.
Ol 1990 jyldary «onjyldyqtyń boksshysy» ataǵyna ıe bolyp, ár jyldary pound-for-pound reıtınginde kósh bastady.
Sonymen qatar kásipqoı bokstaǵy birqatar rekordtyq kórsetkishteri men tarıhı jetistikteri arqyly keńinen tanymal.
Týrızm jáne sport mınıstrligi málimetinshe, kezdesý sońynda taraptar boksty damytý, jastar sportyn ilgeriletý jáne halyqaralyq áriptestikti nyǵaıtý baǵytynda birlesip jumys isteýge daıyn ekenin jetkizdi. Mınıstr kishi Roı Djonstyń Qazaqstanǵa sapary ekijaqty yntymaqtastyqtyń jańa kezeńine jol ashatynyna senim bildirdi.
Aıta keteıik, Sanatáli Tóltaev IBA aıasyndaǵy bokstan álem chempıonatynda ekinshi jeńisine jetti.