Erbol Myrzabosynov: Ákimdikter «ornattyq» degen dárethananyń kóbi jabyq bolyp shyqty

ASTANA. KAZINFORM – Týrızm jáne sport mınıstri Erbol Myrzabosynov Úkimet otyrysynda týrıstik aımaqtarǵa sanıtarlyq-gıgıenalyq torap tartý jumystarynda formaldylyq basym ekenin aıtty.

- Keı jerlerde abattandyrýǵa qatysty uıymdastyrýshylyq sıpattaǵy máseleler de bar. Dárethanalar men qoqys konteınerleriniń bolmaýy da osyǵan jatady. Jaǵajaı aımaqtary kóbinese jabdyqtalmaǵan jáne aımaqtarǵa bólinbegen, mundaı jaǵdaı barlyq óńirge qatysty bolyp tur, - dedi ol.

Mınıstrdiń aıtýynsha, ákimdikter bergen málimet pen shynaıy jaǵdaı eki bólek bolatyn jaıttar jıilegen.

- Óńirler bul máseleniń sheshilgeni jáne jalpy sany 60 sanıtarlyq-gıgıenalyq toraptyń ornatylǵany týraly esep berdi. Alaıda qaıta teksergen kezde olardyń kóbi jabyq boldy jáne jelilerge qosylmaǵan eken, - dedi Erbol Myrzabosynov.

Aıta keteıik, búgingi Úkimet otyrysynda týrızmdi damytý máseleleri qaralyp jatyr.