Erbol Kúmisqojaev Ulytaý oblysy qoǵamdyq damý basqarmasynyń basshysy boldy
ULYTAÝ. KAZINFORM - Ulytaý oblysy qoǵamdyq damý basqarmasynyń jańa basshysy ishki saıasat, qoǵamdyq kommýnıkatsııalar, memlekettik basqarý jáne uıymdastyrý baǵyttarynda mol tájirıbesi bar.
Erbol Serikbaıuly 1986 jyly dúnıege kelgen. Ál-Farabı atyndaǵy Qazaq ulttyq ýnıversıtetin jáne Halyq sharýashylyǵy ýnıversıtetin támamdaǵan.
Eńbek jolyn 2009 jyly Almaty qalasy Іshki saıasat basqarmasynda jetekshi maman qyzmetinen bastaǵan. Keıingi jyldary bas maman jáne bólim basshysy laýazymdaryn atqardy.
2013 jyly Qyzylorda oblysy Іshki saıasat basqarmasynyń basshysy bolyp taǵaıyndaldy.
2014 jyly Qazaqstan Respýblıkasy Ulttyq kásipkerler palatasynyń «Atameken» Qyzylorda oblysy boıynsha fılıaly dırektorynyń orynbasary qyzmetin atqardy. Sol jyly «Nur RK» kompanııasyn basqardy. Atalǵan uıymǵa 2017 jylǵa deıin jetekshilik etti.
2017–2021 jyldary Almaty qalasyndaǵy «Amanat» partııasy Naýryzbaı aýdandyq fılıaly tóraǵasynyń birinshi orynbasary boldy.
2021–2023 jyldary Qazaqstan Respýblıkasy Ǵylym jáne joǵary bilim mınıstrligi Fılosofııa, saıasattaný jáne dintaný ınstıtýtynyń aqparattyq-uıymdastyrý ortalyǵyn basqardy.
2023–2024 jyldary AQSh-taǵy Ohio University ýnıversıtetinde taǵylymdamadan ótti.
2024–2025 jyldary Almaty oblysy Alataý qalasy ákiminiń apparaty memlekettik qyzmetterdi uıymdastyrý jáne monıtorıng bóliminiń basshysy qyzmetin atqardy.
Jańa qyzmetke taǵaıyndalǵanǵa deıin, 2025 jyldan bastap Ulytaý oblysy Qoǵamdyq damý basqarmasy basshysynyń orynbasary boldy.
Buǵan deıin Ulytaý oblysy basshylyǵy quramynda kadrlyq ózgerister bolǵany habarlanǵan edi.
