Erbol Qarashókeev zardap shekken óńirlerge jem-shóp jibergen eriktilerge alǵys aıtty
«Óńirler arasynda azyq-túlikti belgilengen baǵamen ózara jetkizý jáne zardap shekken sharýashylyqtarǵa shóp shabý úshin 130 myń gektarǵa jýyq shabyndyq jer bólý týraly sharttar men memorandýmdar jasaldy. Sondaı-aq, tabıǵı rezervattyń 211 myń gektarynda azyq daıyndaýǵa ruqsat etildi. Bul jumysqa volonterlik uıymdar da qosyldy jáne olar zardap shekken óńirlerge shamamen 150 vagon azyq jetkizdi. Bul resýrstardy jergilikti jerlerde bólý qoǵamdyq keńesterdiń belsene qatysýymen júrgiziledi. Osy kómekti uıymdastyrǵany úshin elimizdiń barlyq eriktilerine jáne bul iske beı-jaı qaramaıtyn azamattarǵa úlken alǵysymdy bildirgim keledi», - dedi E.Qarashókeev Úkimet otyrysynda.
Onyń aıtýynsha, Azyq-túlik korporatsııasy arqyly jemdik astyqpen qamtamasyz etý sharalary qabyldanýda, atap aıtqanda, zardap shekken óńirlerdiń sýbektilerine naryqtyq baǵadan 17%-ǵa tómen baǵamen 1,2 myń tonna jemdik arpa satyldy. Qazirgi ýaqytta Azyq-túlik korporatsııasy men «Báıterek» UBH» AQ-ǵa 200 myń tonna kóleminde jemdik astyqtyń qosymsha rezervin qurýǵa 20 mlrd teńgeden bólý jáne fermerlerge sýarý ári azyq daıyndaıtyn tehnıkany lızıngke berý máseleleri qarastyrylýda.
Buǵan qosa, «QazaqstanTemirJoly» AQ-y tamyz aıynyń sońyna deıin azyq tasymaldaýǵa jeńildikti tarıfterdi naryqtaǵydan 77%-ǵa tómen deńgeıde saqtaý týraly sheshim qabyldady.
Budan basqa, aǵymdaǵy jylǵy 23 tamyzda iri mal azyǵyn respýblıkadan áketýge ýaqytsha tyıym salýdy engizý týraly sheshim kúshine enedi, 1 qyrkúıekten bastap jemdik astyqty eksporttaýǵa kvota engiziledi.
«Sonymen qatar, Jedel shtab jergilikti atqarýshy organdarǵa zardap shekken aımaqtarǵa kómek kórsetý qorlaryn qurýdy, saban daıyndaý jáne jemdik astyq pen kebek rezervin qurý jumystaryn uıymdastyrýdy tapsyrdy. Jeke qosalqy sharýashylyqtardy azyqpen qamtamasyz etý máselelerin erekshe baqylaýǵa alý, óz múmkindikterimen ózderin azyqpen qamtamasyz ete almaıtyndarǵa uıymdasqan sharýashylyqtardy bekitý usynyldy. Qoldanystaǵy zańnama aıasynda jem-shóp baǵasyn baqylaýdy kúsheıtýge, baǵanyń negizsiz ósýine jol bermeý úshin qajetti sharalar qabyldaý qajettiligine erekshe nazar aýdaryldy. Osy sharalardyń barlyǵy jaǵdaıdy edáýir turaqtandyrýǵa múmkindik berdi», - dedi Erbol Qarashókeev.
Budan buryn habarlanǵandaı, mınıstrlik atalǵan óńirlerdi qoldaýǵa qansha qarajat bólingenin baıandady.
