Erbol Qarashókeev Qyzylorda oblysynda kúrish ósirýdegi problemany atady
«Keıingi birneshe jylda Qyzylorda oblysynda sý tapshylyǵy qatty sezilgeni barshaǵa málim, Syrdarııa ózeniniń aǵyny birneshe ese tómendegen. Qoldanystaǵy kollektorlyq-káriz júıeleri tozǵan. Sonyń saldarynan topyraqtyń tuzdaný jáne egistikterdiń aınalymynan shyǵý protsesteri kúsheıip keledi. Tuzdardyń artyq mólsherde bolýy kúrish tuqymynyń ósý qarqynyn tejeıdi, topyraqtyń qunaryn tómendetedi, sondaı-aq sýdy lastaıdy», - dedi E. Qarashókeev.
Osy oraıda Aýyl sharýashylyǵy mınıstrligi Qyzylorda oblasy ákimdigimen birlesip, kúrish óndirý, egistik alqaptary men tuqymdy jaqsartý kezinde kúrish ósirýde mehanıkalandyrylǵan sýarýdy engizý múmkindigin zerdelep jatyr.
Budan buryn habarlanǵandaı, bıyl basqa da tıimdi daqyldarǵa kóshý esebinen kúrish alańy 2021 jylmen salystyrǵanda 8,7 myń gektarǵa azaıdy. Onyń ishinde Qyzylorda oblysynda 5,3 myń gektar, Túrkistan oblysynda - 2,9 myń gektar jáne Almaty oblysynda 0,6 myń gektarǵa qysqardy.
