Erbol Qarashókeev aýlasyna kirgen atty kólikpen basqan adamnyń áreketin synady

NUR-SULTAN. QazAqparat – QR Aýyl sharýashylyǵy mınıstri Erbol Qarashókeev úıiniń aýlasyna kirgen atty kólikpen qınaǵan turǵynnyń áreketin synady, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngte jýrnalıster mınıstr Erbol Qarashókeevten Almaty oblysyndaǵy shýly oqıǵa týraly pikirin surady.

«Árıne, kez kelgen esi durys adam sııaqty biz de janýarlarǵa qatygezdik tanytqandardyń áreketin qatań synaımyz. Ol úı haıýanaty bolsyn, meıli aýyl sharýashylyǵy janýary bolsyn, buǵan basqasha qaraý múmkin emes. Basqa jaýap ta bolmaıdy», - dedi Erbol Qarashókeev.

Eske salsaq, ótken aptada jylqyny kóligimen qasaqana basqan adam 10 kúnge qamalǵan bolatyn.

«Jylqyny kóligimen basqan turǵyn ákimshilik kodekstiń 434-baby (usaq buzaqylyq) boıynsha 10 kúnge qamaýǵa alyndy. Bul jazaǵa ol balaǵat sóz aıtqany úshin tartyldy. Al ústinen qozǵalǵan qylmystyq is toqtatylǵan joq. Qozǵalǵan QR QK 316 bap (Janýarlarǵa qatygezdik jasaý) Qylmystyq kodekstiń 202-babyna (múlikke qasaqana zalal keltirý) aýystyryldy. Tergeý júrip jatyr»,- dep jazylǵan Almaty oblystyq polıtsııa departamentiniń baspasóz qyzmeti taratqan málimette.

Vıdeodan alynǵan kadr