Erbol Adaev qyzmetinen bosatyldy
ASTANA. KAZINFORM – Memleket basshysynyń ókimimen Erbol Dánenuly Adaev Qazaqstan Respýblıkasy Prezıdenti Ákimshiliginiń Jalpy bóliminiń meńgerýshisi laýazymynan bosatyldy.
Bul týraly Aqorda jarııalady.
Erbol Adaev 1978 jyly Qostanaı oblysynda dúnıege kelgen.
1999 jyly A.Baıtursynuly atyndaǵy Qostanaı memlekettik ýnıversıtetin «Qazaqstan tarıhy» mamandyǵy boıynsha, 2014 jyly Qazaq gýmanıtarlyq zań ýnıversıtetin «Halyqaralyq quqyq» mamandyǵy boıynsha támamdaǵan.
Eńbek jolyn 1999 jyly Qostanaı oblystyq aqparat jáne qoǵamdyq kelisim basqarmasynyń jastar saıasaty bóliminiń jetekshi mamany bolyp bastaǵan.
2001 – 2002 jyldary Qostanaı oblysy ákimi apparaty ishki saıasat jáne áleýmettik sala bóliminiń bas mamany;
2002 – 2003 jyldary Qostanaı oblysy ishki saıasat departamenti aqparattyq saıasat jáne qoǵammen baılanys bóliminiń bas mamany;
2003 – 2004 jyldary Qostanaı oblysy ákimi apparatynyń áleýmettik sala bóliminiń bas mamany;
2004 – 2005 jyldary Qostanaı qalasy ákiminiń keńesshisi;
2005 jyldyń qańtarynan 2005 jyldyń qarashasyna deıin «Qostanaı qalasy ákimdigi ishki saıasat bólimi» MM bastyǵy;
2005 – 2006 jyldary Qostanaı qalasy ákiminiń bas ınspektory;
2006 jylǵy aqpannan 2006 jylǵy tamyzǵa deıin Qostanaı oblysy ákimi orynbasarynyń kómekshisi;
2006 – 2007 jyldary Qazaqstan Respýblıkasy Mádenıet jáne aqparat mınıstrligi Aqparat jáne muraǵat komıteti Elektrondyq BAQ monıtorıngi bóliminiń bas mamany;
2007 – 2010 jyldary Qazaqstan Respýblıkasy Parlament Senaty baspasóz qyzmetiniń bas konsýltanty, bas sarapshysy;
2010 – 2013 jyldar aralyǵy Qazaqstan Respýblıkasy Parlament Senaty Apparaty basshysynyń kómekshisi, redaktsııalyq-baspa bóliminiń bas sarapshysy, bas konsýltanty;
2013 – 2017 jyldar aralyǵy Qazaqstan Respýblıkasy Parlament Senaty Apparaty uıymdastyrý-baqylaý jáne kadr jumysy bóliminiń bas konsýltanty;
2017 – 2022 jyldar aralyǵy Qazaqstan Respýblıkasy Parlamenti Senaty Apparaty uıymdastyrý-baqylaý jáne kadr jumysy bólimi meńgerýshisiniń orynbasary;
2022 jylǵy aqpannan 2025 jylǵy aqpanǵa deıin Qazaqstan Respýblıkasy Prezıdenti Іs basqarmasynyń uıymdastyrý-baqylaý jáne kadr jumysy bóliminiń meńgerýshisi;
2025 jylǵy 17 aqpannan Qazaqstan Respýblıkasy Prezıdenti Ákimshiligi Jalpy bóliminiń meńgerýshisi boldy.
«Qurmet» ordenimen jáne basqa da mereıtoılyq medaldarmen marapattalǵan.
