Erasyl Áýbákirovtyń ólimine qatysty qylmystyq is sotqa kelip tústi
ASTANA. QazAqparat - Astanada elordalyq medıtsına ýnıversıtetiniń stýdenti Erasyl Áýbákirovtyń ólimine qatysty qylmystyq is sotqa tústi. Bul týraly elordalyq prokýratýranyń baspasóz qyzmetinen habarlady.
«Erasyl Áýbákirovtyń ólimine qatysty qylmystyq is Astana qalasynyń qylmystyq ister jónindegi mamandandyrylǵan aýdanaralyq sotyna baǵyttaldy», - dep habarlady qalalyq prokýratýranyń baspasóz qyzmeti.
Eske sala keteıik, medıtsına ýnıversıtetiniń stýdenti Erasyl Áýbákirov 3 aqpanda iz-túzsiz joǵalǵan. 10 aqpanda Astana qalasy ІІD-niń qyzmetkerleri jedel-izdestirý sharalary barysynda budan buryn habar-osharsyz joǵalyp ketken E.Áýbákirovtiń denesin tapqan bolatyn. Adam óltirdi degen kúdikpen tórt adam - Aıan Meıirbaev, Andreı Tıhonenko, Vıtalıı Sherstenev jáne Nurbek Ájimbaı ustaldy.
Qazirgi tańda A.Meıirbaev qylmystyq is boıynsha kúdikti bolyp otyr.
