Erasyl Áýbákirovtyń anasy ulyn urlap ketken bolýy múmkin jandarǵa ótinishin aıtty
ASTANA. QazAqparat - Joǵalǵan Astana Medıtsınalyq ýnıversıtetiniń 23 jastaǵy stýdenti Erasyl Áýbákirovtyń anasy ulyn urlap ketken bolýy múmkin jandarǵa qaratyp málimdeme jasady. Bul týraly jigitti izdeýge arnalǵan Instagramdaǵy resmı paraqshada habarlandy.
"Ony bireý ustap tursa, eger ol sizderge qaryz bolsa, onda ol shaǵym jazbaıdy. Ol qaryzdy qaıtaryp, Erasyldyń barlyq ýádesin oryndaıdy", - Erasyldyń anasymen júrgizilgen 20 mınýttyq áńgimeniń úzindisin paraqshanyń ákimshisi keltirdi.
Ana ulynyń tiri ekenine úlken úmit artyp otyr.
Eske sala keteıik, Erasyl Áýbákirov 3 aqpannan bastap týystarymen jáne jaqyndarymen baılanysqa shyqpaǵan. Ol ústine qoshqyl-kók tústi qysqy kúrte, qońyr tústi qulaqshyn kıgen. Boıy shamamen - 175-180. Salmaǵy 70-75 keli.
Ol týraly qandaı da bir aqparat biletinder bolsa: 8 747 024 81 29 (Erasyldyń ákesi) jáne 8 707 143 94 25 (Dıas Jumadilov - joǵalǵannyń dosy) telefondaryna habarlasýdy suraıdy.
