Erasyl Áýbákirovtiń isi: Kúdikti Nurbek Ájimbaıdyń qorǵaýshysy tergeýge qatysty pikirin bildirdi
ASTANA. QazAqparat - Erasyl Áýbákirovtiń isine kúdikti retinde tartylǵan Nurbek Ájimbaıdyń qorǵaýshysy Erlan Ǵazimjanovtyń oıynsha, tergeý ádiletsiz jáne birjaqty ótken. Bul týraly ol búgin tilshilerge bergen suxbatynda málimdedi.
"Biz tergeýdi ádiletsiz ári birjaqty ótkizildi dep sanaımyz. Ary qaraı kúresemiz", - dedi E. Ǵazimjanov BAQ ókilderine bergen jaýabynda.
Sonymen qatar ol ınternette Erasyl Áýbákirovti áldebireýdiń qınap jatqan tusy beınelengen fotolarǵa qatysty da pikirimen bólisti.
Fotony taratqandardyń oıynsha, ondaǵy adam basynda basty kúdikti retinde, qazir japa shekken tulǵa retinde sotqa qatysyp otyrǵan Aıan Meıirbaevqa qatty uqsaıdy.
"Men ol fotosýretterdi kórdim. Olar buryn Internette tabylǵan beınerolıkten alynǵan", - dedi ol.
Eske sala keteıik, Astanada Medıtsına ýnıversıtetiniń stýdenti Erasyl Áýbakirovtiń ólimine qatysty qylmystyq is boıynsha sot protsesi ótýde. Sot aldyna qylmys jasady degen kúdikpen tartylyp otyrǵan Nurbek Ájimbaı, Vıtalıı Sherstenev pen Andreı Tıhonenko shyǵady. Іsti alqa bılerdiń qatysýymen sýdıa Aıjan Shaıahmetova qaraıdy.
Medıtsına ýnıversıtetiniń stýdenti Erasyl Áýbákirov 3 aqpanda iz-túzsiz joǵalǵan. 10 aqpanda Astana qalasy ІІD-niń qyzmetkerleri jedel-izdestirý sharalary barysynda budan buryn habar-osharsyz joǵalyp ketken E.Áýbákirovtiń máıitin tapqan bolatyn. Adam óltirdi degen kúdikpen tórt adam - Aıan Meıirbaev, Andreı Tıhonenko, Vıtalıı Sherstenev jáne Nurbek Ájimbaı ustaldy.
A.Meıirbaev qylmystyq iste eń basty kúdiktilerdiń biri bolǵan. Biraq keıin Aıan Meıirbaevqa qatysty qylmystyq qýdalaý toqtatyldy, 7 mamyrda Astana prokýrorynyń kelisimimen Aıan Meıirbaev bosatyldy.
