Erasyl Áýbákirovti óltirdi degen kúdikpen ustalǵandardy qamaýǵa alý merzimi uzartyldy
ASTANA. QazAqparat - Erasyl Áýbákirovty óltirý isi boıynsha ustalǵan tórt adamdy qamaýǵa alý merzimi úsh aıǵa uzartyldy.
Astanadaǵy №2 Almaty aýdandyq soty medıtsınalyq ýnıversıtettiń stýdenti E.Áýbákirovty óltirý isi boıynsha kúdikti azamattardy qamaýǵa alý merzimin 3 aıǵa uzartty, dep habarlady Astana sotynyń baspasóz qyzmeti.
«Ustalǵandar - Meıirbaev, Ájimbaı, Tıhonenko, Sherstenev QR QK-niń 99-babyndaǵy 2-bóliminiń 7-tarmaqshasymen (adamdar tobynyń aldyn ala kelisip adam óltirýi) qarastyrylǵan qylmystyq quqyq buzýshylyqty jasaýda kúdikti dep tanyldy», - delingen habarlamada.
Eske sala keteıik, Astanadaǵy medıtsınalyq ýnıversıtettiń stýdenti Erasyl Áýbákirov 3 aqpan kúni joǵalyp ketken bolatyn. Ony izdeýge kóptegen erikti atsalysty. 10 aqpanda Astana qalalyq ІІD-niń qyzmetkerleri jedel-izdeý sharalaryn ótkizý barysynda buǵan deıin iz-túzsiz joǵalǵan bozbalanyń múrdesin anyqtady.
