Erasyl Qajybaev Qazaqstan Barysy Grand Slam jarysynyń fınalyna shyqty

ASTANA. KAZINFORM — Erasyl Qajybaev Astanada ótip jatqan dzıýdodan Qazaqstan Barysy Grand Slam týrnıri fınalyna shyqty.

Jarysta 100 keliden joǵary salmaqta synǵa túsken ol endi fınalda japonııalyq Ota Hegamen kezdesedi. 

Sondaı-búgin 100 kelide Bekjan Baıtas pen Marat Baıqamurov qola júldege kúresý múmkindigin aldy. 

Fınal saǵat 17:00-de bastalady. 

Aıta ketsek, qazirge deıin Ǵusman Qyrǵyzbaev (66 keli) pen Talǵat Orynbasar (60 keli) kúmis alsa, Aman Baqytjan jáne Maǵjan Shamshadın, Eset Qýanov (73 keli), Abylaıhan Jubanazar (81 keli) qolaǵa qol sozdy.

Atalǵan jarys nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi. Atap aıtqanda, І oryn úshin — 1 myń, kúmis júldegerge — 700, al qola medal alǵanǵa 500 upaı esepteledi.