Erasyl Qajybaev Horvatııadaǵy Gran-prı týrnırinde júldesiz qaldy

ASTANA. KAZINFORM — Qazaqstandyq dzıýdoshy Erasyl Qajybaev Zagrebtegi (Horvatııa) Gran-prı týrnırinde qola júlde úshin beldesti, dep habarlaıdy UOK baspasóz qyzmeti.

Erasyl Qajybaev Horvatııadaǵy Gran-prı týrnırinde júldesiz qaldy
Foto: UOK

Otandasymyz 100 keliden joǵary salmaqta el namysyn qorǵady.

Erasyl qola júlde úshin ótken beldesýde Saba Inaneıshvılımen (Grýzııa) kezdesip, qarsylasyna jol berdi.

Osylaısha Erasyl Qajybaev Gran-prı týrnırin besinshi orynda aıaqtady.

Budan buryn Erasyl Qajybaev Zagrebtegi Gran-prı týrnırinde qola júldege talasatyny belgili boldy.

Sonymen qatar qazaq dzıýdoshylary Zagrebte ótip jatqan Gran-prı týrnıriniń alǵashqy kúni bir altyn men eki kúmis medal jeńip alǵanyn jazǵanbyz.