Erasyl Qajybaev 2022 jylǵy «Qazaqstan barysyn» jarys jolynan shyǵardy
ASTANA. KAZINFORM – 2024 jylǵy «Qazaqstan barysy» Erasyl Qajybaev elordada ótip jatqan qazaq kúresinen «Qazaqstan Barysy – 2025» týrnırindegi ekinshi beldesýinde jeńiske jetti.
Ekinshi aınalymda Erasyl 2022 jylǵy «Qazaqstan barysy» Maqsat Isaǵabylovpen bozkilemde jolyqty. Bul kezdesýde qarsylastar upaı enshileı almady. Esesine, tóreshi Maqsat Isaǵabylovqa belsendi kúrespegeni úshin úsh eskertý berip, Erasyl Qajybaev beldesý jeńimpazy atandy.
Osyǵan deıin habarlaǵanymyzdaı, búgin elorda tórindegi Jaqsylyq Úshkempirov atyndaǵy jekpe-jek saraıynda qazaq kúresinen Respýblıka kúnine oraı «Qazaqstan Barysy – 2025» týrnıri ótip jatyr.
Osymen 14-shi márte jalaýy jelbiregen dúbirli dodaǵa jalpy sany 43 balýan baǵyn synaýǵa kelgen.
Aıta keteıik, Erasyl osyǵan deıin Kazinform tilshisine jeńisti jolyn jalǵastyrýǵa daıyn ekenin aıtqan bolatyn.