Eraly Tojanov sportpen shuǵyldanatyn adamdar sanyn esepteý ádisin bekitýdi tapsyrdy

NUR-SULTAN. QazAqparat – Sportpen shuǵyldanatyn adamdar sanyn esepteýdiń naqty ádisin bekitý kerek. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Ulttyq statıstıka bıýrosynyń derekterine súıene otyryp, 2025 jylǵa deıin halyqtyń jartysyn dene shynyqtyrýmen qamtý kózdelip otyr. Osyǵan baılanysty olardyń qalaı jáne qandaı krıterıılerge sáıkes esepteletini men úshin áli beımálim. Men bul suraqtardy mınıstrliktiń aldyna bir emes birneshe ret qoıdym. Sony naqtylaýymyz kerek. Jalpylama áńgime aınalasynda jumys isteıtin zaman emes. Ondaı zaman joq. Sondyqtan osy máseleni birge qarastyrýymyz kerek. Osy oraıda mınıstrlikke Ulttyq statıstıka bıýrosymen birlesip, sportpen, onyń ishinde dene shynyqtyrýmen shuǵyldanatyn adamdardyń sanyn esepteýdiń naqty ádistemesin bekitýdi tapsyramyn», - dedi vıtse-premer Mádenıet jáne sport mınıstrliginiń alqa otyrysynda.