Eraly Toǵjanov jol apatynan zardap shekken balalardyń ata-analarymen kezdesti
Aqtóbe oblystyq aýrýhanasynda 8 bala em qabyldap jatyr. Aýrýhananyń bas dárigeri Erlan Japaqovtyń aıtýynsha, alty balaǵa ota jasaldy. Tipti elordalyq dárigerler de shaqyryldy.
Túski mezgilde oblys ákimi Eraly Toǵjanov aýrýhanaǵa baryp, naýqastardyń jaǵdaıyn bildi. Balalarynyń amandyǵyn tilep otyrǵan ata-analarmen de jolyqty.
«Balalarǵa baryp, qarap shyqtym. Birinshi bir Alla qoldasyn, deımiz. Odan keıin dárigerler qoldan kelgenin jasap jatyr. Respýblıkadan da dárigerler keledi. Balalar aman bolsyn!»,- dedi Eraly Toǵjanov.
Aıta keteıik, osy oqıǵaǵa baılanysty Qylmystyq Kodekstiń 345-baby 3-tarmaǵy boıynsha is qozǵaldy. Júrgizýshi qamaýǵa alyndy.
Osyǵan deıin Aqtóbede oqýshylar mingen mınıven aýdarylyp, bir bala kóz jumǵany habarlandy.
Sondaı-aq Aqtóbede oqýshylardyń kólik apatyna ushyraýyna baılanysty tergeý júrip jatqany jazyldy.
Aqtóbe oblystyq densaýlyq saqtaý basqarmasynan balalarǵa operatsııa jasalǵany habarlandy.
Keıinirek jol-kólik oqıǵasyna túsken balalardyń jattyqtyrýshysy es-tússiz jatqany anyqtaldy.
Al kólikti basqarǵan sport mektebi dırektorynyń orynbasary ekeni belgili boldy.
Foto: t.me/Aktobe_region
