Eraly Toǵjanov: Jańa sıntetıkalyq esirtkiniń negizgi tutynýshylary – jastar

NUR-SULTAN. QazAqparat - Jańa sıntetıkalyq esirtkiniń negizgi tutynýshylary – jastar. Bul týraly Premer-Mınıstrdiń orynbasary Eraly Toǵjanov Memleket basshysynyń eldegi esirtki qylmysy men nashaqorlyqqa qarsy is-qımylǵa qatysty tapsyrmasyn oryndaý boıynsha arnaıy keńeste aıtty.

«Búgingi tańda esirtki qylmysy men nashaqorlyq máselesi óte ózekti. Ókinishke oraı, jańa sıntetıkalyq esirtkiniń negizgi tutynýshylary – jastar. Tek osy jyldyń ózinde elimizde 8,5% ósimmen 5 myń esirtki qylmysy anyqtaldy. Bizge bul baǵytta kúresý úshin júıeli sharalar qajet», — dep atap ótti E. Toǵjanov jıynda.