Eraly Toǵjanov jaǵdaıy tómen otbasyndaǵy balalarǵa velosıped syılady
Shara Elbasynyń «Bolashaqqa baǵdar: rýhanı jańǵyrý» baǵdarlamasyn iske asyrý maqsatynda jáne Astana qalasynyń 20 jyldyq mereıtoıy qarsańynda uıymdastyryldy.
Velosport maýsymynyń ashylýyna Aqtaý qalasynyń 300-ge jýyq turǵyny qatysty. 35- inshi shaǵynaýdannan bastalǵan velosherý 15-inshi shaǵynaýdandaǵy teńiz jaǵalaýynda aıaqtaldy.
«Naýryz aıy Elbasynyń jarlyǵymen bekitilgen Alǵys aıtý kúninen bastaý alady. Oblys turǵyndary úshin bul mereke bir aıǵa sozyldy. Jeltoqsan aıynda bastalǵan «Asar-Jomart júrek» qaıyrymdylyq marafony osy kóktemde jalǵasyn tapty. Sonyń aıasynda Mańǵystaý oblysyndaǵy 6 300 áleýmettik az qamtylǵan otbasyǵa 55 mln teńgeden astam qarjyǵa kómek kórsetildi. Búgin «Asar-Jomart júrek» aktsııasyn qorytyndylap, biz barsha mańǵystaý oblyslyqtardyń dástúrli jáne súıikti sportyna aınalǵan velojarys ótkizýdi bastaımyz. Ózderińiz biletindeı, deni saýdyń - jany saý! Elbasymyz «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty joldaýynda «Salamatty ómir saltyn nasıhattaı otyryp, qoǵamdyq densaýlyqty basqarý isin kúsheıtý kerek. Jastardyń reprodýktıvti densaýlyǵyn qorǵaýǵa jáne nyǵaıtýǵa erekshe nazar aýdarý qajet» degen bolatyn. Sondyqtan búgin men salaýatty ómir saltyn nasıhattaý aıynyń bastalýyn jarııalaımyn, onyń barysynda oblys boıynsha sport túrlerinen jarystar, týrnırler men chempıonattar ótkiziledi», - dedi oblys ákimi Eraly Toǵjanov.
Sonymen qatar, «Asar» qaıyrymdylyq aktsııanyń aıasynda aımaq basshysy áleýmettik jaǵdaıy tómen otbasyndaǵy balalarǵa velosıped syıǵa tartty.