Eraly Toǵjanov Táýelsizdiktiń 30 jyldyǵy aıasynda atqarylatyn jumystardy atady
«Bıyl erekshe jyl – Táýelsizdigimizdiń 30 jyldyǵy. Táýelsizdikten asqan eshqandaı qundylyq joq dep oılaımyz. Sondyqtan 30 jyldyń ishindegi eldiń jetistigin, sonyń ishinde bıyl osy mańyzdy mereıtoıdy atap ótýdi birlese talqylaımyz», - dedi E. Toǵjanov atalǵan Aqparat mınıstrliginiń keńeıtilgen alqa májilisinde.
Úkimet basshysynyń orynbasary biraz mınıstrlikterdiń qatysýymen tıisti talqylaýlar bolǵanyn, aldaǵy ýaqytta Prezıdent Qasym-Jomart Toqaevtyń tóraǵalyǵymen jıyndar josparlanyp otyrǵanyn aıtty.
«Bul taqyrypqa erekshe kóńil bólinip otyr. Oǵan baılanysty memlekettik úlken komıssııa qurylǵanyn jaqsy bilesizder. Sondyqtan osy baǵytta biraz jumys isteıtin bolamyz. Ózderińiz bilesizder, Prezıdent Táýelsizdik mereıtoıyn atap ótýdiń basty qaǵıdalaryn atap kórsetti. Onyń ishinde birigip jaǵymdy ózgerister men utymdy reformalar jasaıtyn jyl dep qabyldanýy kerek. Ekinshiden, azamattardyń naqty máselelerin, eń aldymen, áleýmettik máselelerdi sheshetin kezeń dep qabyldaýǵa bolady. Josparlanǵan is-sharalardy joǵary deńgeıde iske asyrýǵa kúsh salyp, Táýelsizdik jyldary qol jetkizilgen nátıjelerimizdi el ishinde de, halyqaralyq deńgeıde de taratýymyz kerek», - dedi Eraly Toǵjanov.