Eraly Toǵjanov Soltústik Qazaqstan oblysynyń ónerkásip nysandaryn aralady
Eraly Toǵjanov «Severnyı Broıler» JShS broıler qus fabrıkasynyń qurylysymen tanysyp, jeke qosalqy sharýashylyqtardy kooperatıvterge biriktirý jáne aýyldaǵy aýyl sharýashylyǵy óndirisin damytý jobasy týraly aıtyp berdi. Bul jobanyń artyqshylyǵy – kásiporyn aınalasynda óndiristik beldeý qurý.
«Qarsy mindettemeler júıesi arqyly kásipkerler adamdarǵa naqty kómek kórsetýleri tıis. SQO-da bıznes pen adamdar arasyndaǵy ózara is-qımyl tetigin qurý qajet, ol búkil respýblıka úshin úlgi bolady», — dep atap ótti Premer-Mınıstrdiń orynbasary.
«Severnyı broıler» JShS basshysy Soltústik Qazaqstan oblysyna Almaty oblysynan keldi. Qazaqstandyq kompanııa 5,4 mlrd teńge ınvestıtsııa salady. 168 turaqty jumys orny qurylady. Qyzmetkerler jergilikti turǵyndar arasynan alynatyn bolady. Osylaısha, aýyl turǵyndary jyl boıy jumyspen qamtylady.
«Memleket qoldaý kórsetetin kásiporyndar ózderi ornalasqan aýyldardyń turǵyndaryna kómek kórsetý boıynsha mindettemeler alady. Atap aıtqanda, turǵyndardyń qosalqy sharýashylyqtaryn damytýǵa járdemdesedi», - dedi SQO ákimi Qumar Aqsaqalov.
Aıta keteıik, jańa qus fabrıkasynyń qýaty jaqsy. Munda 5 myń tonna qus eti óndiriletin bolady. Jalpy, oblys boıynsha jylyna 16 myń tonna qus etin óndiretin úsh qus fabrıkasynyń qurylysy júrgizilip jatyr. Bul óńirdiń qus etine degen qajettiligin jabýǵa múmkindik beredi.
Sonymen qatar Eraly Toǵjanov Petropavldaǵy fanera kombınatynyń óndiristik úderisimen tanysty. Jobany túrik ınvestorlary iske asyrdy, 4,1 mlrd teńgeden astam ınvestıtsııa salyndy. Zaýyttyń jobalyq qýaty – 30 myń tekshe metr lamınattalǵan fanera. Kásiporyn el boıynsha faneraǵa qajettilikti 22%-ǵa deıin jaba alady. 210 turaqty jumys orny quryldy.
Іssapar aıasynda QR Premer-Mınıstriniń orynbasary Eraly Toǵjanov «Júkenov» JK tigin tsehyna bardy. Tsehta kópbalaly, qandastar jáne tolyq emes otbasylar úshin 9 jumys orny qurylǵan. Qosymsha 40 jańa jumys ornyn ashý josparlanýda.
Jalpy, óńirde 17 sút fermasynyń, úsh qus fabrıkasynyń, jylyjaı kesheniniń jáne maı ekstraktsııalyq zaýytynyń qurylysy júrip jatyr. Bıyl kirpish zaýyty, temirbeton buıymdary kásiporny, irimshik shyǵaratyn sút zaýyty ashyldy. Qaǵaz ónimderi fabrıkasy men avtoklavty gazobloktar kásipornyn iske qosý kózdelgen.
DSP, elektr qalqany jabdyqtaryn jáne jeńil bolat juqa qabyrǵaly konstrýktsııalardy shyǵarý boıynsha ınvestıtsııalyq jobalar iske asyryla bastaıdy.
Bıyl SQO-da 401 myń sharshy metr turǵyn úı paıdalanýǵa beriledi. 663 km jol jóndeledi, osy maqsattarǵa 22 mlrd teńge jumsaldy. Sýmen jabdyqtaý salasynda jóndeý jumystarymen 55 aýyl qamtyldy.
Foto: primeminister.kz