Eraly Toǵjanov soǵys ardagerine páter kiltin tabystady

AQTAÝ. QazAqparat - Aqtaýda «Batyrlarǵa taǵzym» sherýi ótti. Ata-babasynyń sýretterin zor maqtanyshpen ustaǵan 5 myńnan astam azamat ortalyq kóshelermen júrip ótti, dep habarlaıdy QazAqparat tilshisi.

Ekinshi dúnıejúzilik soǵysqa Mańǵystaý túbeginen 6388 adam attanǵan. Olar ortaq maqsat úshin kúresip, jeńis týyn jelbiretýge umtyldy. Soǵys jyldary mańǵystaýlyq 4200 jaýynger sheıit bolyp, elge oralmady. Olardyń arasynda es-túzsiz ketkender de bar.

«Jas urpaq beıbitshilik ómirdiń qalaı kelgenin umytpaýy tıis. Áke, atalarymyzdyń kúshimen soǵysta jeńiske jetip, mine, qazir sonyń beıbitti, jaqsy ómirin kórip jatyrmyz», - deıdi Qulqaıyr Amanbaev.

Búginde aımaqta kózi tiri 16 maıdanger qaldy. Bıyl, jergilikti ákimdik olardyń árqaısysyna 250 myń teńgeden birjolǵy járdemaqy berdi. Sondaı-aq mereke aıasynda oblys ákimi Eraly Toǵjanov erlikpen elge oralǵan soǵys ardageri Ibrákim Mámbetulyna jańa páterdiń kiltin tabystady. Mundaı ıgi sharaǵa jergilikti kásipker atsalysty.

Saltanatty shara ólke ónerpazdarynyń kontsertine ulasty. Jastar teatrlandyrylǵan kórinis qoıdy.