Eraly Toǵjanov QazVac vaktsınasyn DDU-da tirkeý boıynsha tapsyrma berdi
NUR-SULTAN. QazAqparat – Jaýapty sala basshylary otandyq QazVac vaktsınasyn Dúnıejúzilik densaýlyq saqtaý uıymynda tirkeý máselesin qysqa merzimde pysyqtaýǵa mindetteldi, dep habarlaıdy QazAqparat tilshisi.
Bul týraly búgin QR Premer-Mınıstriniń orynbasary Eraly Toǵjanovtyń tóraǵalyǵymen el aýmaǵynda koronavırýstyq ınfektsııanyń taralýyna jol bermeý jónindegi vedomstvoaralyq komıssııanyń otyrysynda aıtyldy.
Otyrys barysynda vıtse-premer Memleket basshysynyń tapsyrmalaryn oryndaý boıynsha qysqa merzimde sharalar qabyldaýdy, atap aıtqanda, Dúnıejúzilik densaýlyq saqtaý uıymynda QazVac otandyq vaktsınasyn tirkeý jáne ony odan ári úshinshi elderdiń naryqtaryna ilgeriltý máselesin pysyqtaýdy, osy baǵytta jol kartasyn ázirleýdi tapsyrdy.
Eske salsaq, epıdahýal jónindegi keńestiń otyrysynda Prezıdent Qasym-Jomart Úkimetke QazVac-ty eksporttaý máselesin pysyqtaýdy tapsyrǵan bolatyn.
