Eraly Toǵjanov Prezıdentke bilim berý salasyndaǵy ahýaldy túzetý sharalaryn baıandady

NUR-SULTAN. QazAqparat – Memleket basshysy Qasym-Jomart Toqaev Úkimettiń keńeıtilgen otyrysynda pandemııa kezindegi oqytý sapasyn synǵa aldy, dep habarlaıdy QazAqparat tilshisi.

«Ótken oqý jyly negizinen onlaın formatta ótti. Bilim berý sapasyna munyń keri áseri bolǵany ras. Ahýaldy túzetý úshin osy baǵytta qandaı is sharalar qolǵa alyndy?», - dep suraq qoıdy Prezıdent QR Premer-Mınıstriniń orynbasary Eraly Toǵjanovqa.

E. Toǵjanov bul baǵytta birneshe naqty sharalar belgilengenin aıtty.

«Birinshiden, 25 mamyrdan 19 maýsymǵa deıin respýblıka boıynsha 1 mıllıonnan asa oqýshyny qamtyǵan qashyqtan bilim alýshylar úshin jazǵy mektep uıymdastyryldy. Ekinshiden, jazǵy ýaqytta ustazdar úshin biliktilikti arttyrý boıynsha pándik kýrstar uıymdastyryldy.

Úshinshiden, Bilim mınıstrligi negizgi pánder boıynsha postkovıdtik bilim sapasyn qalpyna keltirýge arnalǵan arnaıy oqý baǵdarlamasyn ázirlep otyr. Munda negizgi baǵyt kúrdeli taqyryptarǵa baılanysty, ol kúrdeli taqyryptar anyqtaldy, jańa oqý jylynda olardy jetildirý úshin de arnaıy ýaqyt bólinedi. Tórtinshiden, oqý protsesi kezinde artta qalǵan balalar úshin arnaıy jeke jáne toptyq sabaqtar da ótedi. Biz sózben aıtqanda, naqty sharalardyń bári júıeli túrde júzege asyrylady», - dep jaýap berdi E. Toǵjanov.

Aıta keteıik, Memleket basshysy Qasym-Jomart Toqaevtyń tóraǵalymen Úkimettiń keńeıtilgen otyrysy ótip jatyr.