Eraly Toǵjanov óńirlerde ınfraqurylymdyq jobalardyń júzege asyrylýmen tanysady

NUR-SULTAN. QazAqparat - «Jumyspen qamtý» jol kartasy aıasynda jergilikti jerlerdegi áleýmettik máselelerdi sheshetin keleshegi zor jobalarǵa basa nazar aýdaryldy. Bul týraly búgin Úkimet otyrysynda QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Jumyspen qamtý» jol kartasy aıasynda júzege asyrylatyn ınfraqurylymdyq jobalar vedomstvoaralyq komıssııa otyrysynda óńirlermen birge pysyqtalyp, qabyldandy. Jergilikti jerlerdegi áleýmettik máselelerdi sheshetin keleshegi zor jobalarǵa basa nazar aýdaryldy. Memleket basshysynyń tapsyrmalaryn oryndaý maqsatynda jumysshylarǵa 2 aılyq kóleminde kóterme jalaqy berý, sanıtarlyq jáne eńbek qaýipsizdigin qamtamasyz etý, mobıldi pýnktter ashý boıynsha tıisti normatıvtik ózgerister tolyqtaı qaralýda. Ár apta saıyn «Jumyspen qamtý» jol kartasy aıasynda óńirlerdiń jumysyn monıtorıngilep, qajettiligine qaraı vedomstvoaralyq komıssııanyń otyrysynda talqylaımyz«, - dedi ol.

Sonymen qatar Úkimet basshysynyń orynbasary óńirlerdi aralaý barysynda ınfraqurylymdyq jobalardy júzege asyrý barysymen tanysatyndyǵyn aıtty.

»Asqar Uzaqbaıuly, óńirlerge jumyspen qamtý sharalaryn tıimdi jáne sapaly oryndalýyn, bólingen qarajatty maqsatty jumsalýyn qamtamasyz etýdi tapsyrýyńyzdy suraımyz«, - dep ótindi Eraly Toǵjanov Premer-Mınıstr Asqar Mamınnen.