Eraly Toǵjanov Nur-Sultanda ınnovatsııalyq mekteptiń ashylýyna qatysty
Bul – halyqaralyq standarttarǵa sáıkes keletin tegin oqytýdy usynatyn qazaqstandyq jalpy bilim berý protsesinde ozyq ádistemelerdi engizý boıynsha jańa brend.
Bilim ordasynyń ashylý saltanatyna memlekettik organdardyń ókilderi, Nur-Sultan qalasynyń basshylyǵy jáne ınvestor – «BI Group» qurylys holdınginiń basshysy Aıdyn Rahymbaev qatysty.
Aıta ketý kerek, birinshi «BINOM» mektebi elordalyq oqýshylardy 1 qyrkúıekte qabyldady. Taǵy úsh nysan – Baıtursynov kóshesi («SARYARQA»), «CAPITAL Park» («TANYM») TK jáne Jaǵalaý («TURAN») shaǵyn aýdanynda keler jyldyń úshinshi toqsanynan bastap óz jumysyn bastaıdy.
Árbir oqý orny eki aýysymda oqıtyn 4 000 balaǵa eseptelgen. Osylaısha, «BINOM School» jelisiniń iske qosylýynyń arqasynda Nur-Sultannyń 16 myń oqýshysy jańa oqý oryndarymen qamtamasyz etiletin bolady.
Vıtse-Premer E. Toǵjanov atap ótkendeı, bul joba oqý oryndarynyń tapshylyǵyna baılanysty máselelerdi sheshý boıynsha óte mańyzdy áleýmettik-bilim berý fýnktsııasyn atqarady.
«BINOM» jobasy úsh aýysymdy oqytý men apatty jaǵdaıdaǵy mektepterdiń problemalyq máselelerin sheshýge baǵyttalǵan. Nur-Sultan qalasynda osyndaı 6 nysannyń qurylysy esebinen 15 mekteptiń bala sany tyǵyzdyǵy máselesi sheshilýde. Eń bastysy munda halyqaralyq standarttarǵa sáıkes keletin qýatty bilim berý bazasy bar», — dedi E. Toǵjanov.
Óz kezeginde Nur-Sultan qalasynyń ákimi elordany jalpy bilim beretin jańa uıymdarmen qamtamasyz etý josparlary týraly habarlady.
«Qalany damytýdyń keshendi jospary aıasynda 5 jyldyq kezeńge 70-ke jýyq mektep salý josparlanǵan. Oqý oryndary qalanyń barlyq aýdandarynda, sonyń ishinde turǵyn alaptarynda salynatyn bolady»,- dedi Altaı Kólginov.
«BINOM School» formatyndaǵy mektepter memlekettik-jekeshelik áriptestik qaǵıdattarynda búkil Qazaqstan boıynsha salynatyn bolady, dep atap ótti «BI Group» kompanııasynyń dırektorlar keńesiniń tóraǵasy A. Rahymbaev.
