Eraly Toǵjanov: Maskaǵa baılanysty problema bolmaıdy

NUR-SULTAN. QazAqparat – Qazaqstanda medıtsınalyq maska jetispeýshiligi týyndamaıdy. Ortalyq kommýnıkatsııalar qyzmetindegi baspasóz máslıhatynda Úkimet basshysynyń orynbasary Eraly Toǵjanov osylaı dedi, dep habarlaıdy QazAqparat tilshisi.

«Qazaqstanda óndirilip jatqan maska kólemi jetkilikti. Sonymen qatar aımaqtardyń bárinde birneshe márte qoldanýǵa bolatyn maskany da shyǵaryp jatyr. Qoımalarda da bar. Sol sebepti bul másele boıynsha Qazaqstanda problemasy týyndamaýy kerek», - dedi Eraly Toǵjanov.

Onyń aıtýynsha, elimizde búgingi kúni táýligine 1 mıllıonǵa jýyq maska shyǵarylady.

Dárihanalarda bir maskanyń baǵasy – 85 teńge.

Eske sala ketsek, Qazaqstannyń memlekettik bas sanıtarııa dárigeri Aıjan Esmaǵambetovanyń qaýlysy boıynsha halyqqa Qazaqstanda kóshede maska taǵyp júrý mindettelgen bolatyn.