Eraly Toǵjanov mańǵystaýlyqtardy qaıyrymdylyq jasaýǵa shaqyrdy

ASTANA. QazAqparat - Oblys ákimi Eraly Toǵjanov mańǵystaýlyqtarǵa «Asar» qaıyrymdylyq aktsııasyn ótkizýge úndeý tastady, dep habarlaıdy QazAqparat.

Osy arqyly halyqtyń áleýmettik osal toptary az qamtylǵan otbasylarǵa, múgedek balalary bar januıalarǵa, múmkindigi shekteýli jandarǵa jáne UOS ardagerlerine kómek kórsetý kózdelip otyr.

Óńir basshysy Eraly Toǵjanov qala men aýdan ákimderi, basqarma basshylary, «Atameken» ulttyq kásipkerler palatasy men aımaqtaǵy iri kompanııa ókilderi jáne kásipkerlerge osy aktsııaǵa atsalysýǵa shaqyrdy. Sonymen birge Mańǵystaý turǵyndaryna da Jańa jyl aldynda jappaı kómek kórsetip, izgilikti is jasaý týraly usynys tastaldy.

«Asar - bul erteden kele jatqan dástúrdiń biri. Qol kúshin kerek etetin, kópshiliktiń qatysýymen oryndalatyn jumys.  Qazaq aýylynda bir otbasynyń qolynan kelmeıtin kúrdeli, kólemdi jumystardy atqarý úshin birneshe aýyldyń adamdary asarǵa shaqyrylǵan. Asarǵa shaqyrylǵandar eńbegi úshin tólemaqy talap etpeıdi. «Asar» halqymyzdyń birligin, kómek qolyn berýge, jaqyn dos adamdarǵa qamqorlyq jasaıtynyn kórsetedi.  Sondyqtan barlyq mańǵystaýlyqtardy qaıyrymdylyq aktsııasyna qatysýǵa atsalysyp, kómek kórsetýge shaqyramyn», - dedi oblys ákimi Eraly Toǵjanov.

Akıtsıa kezinde áleýmettik az qamtylǵan otbasylarǵa azyq-túlik, kıim-keshek, dári-dármek jáne basqa da qajettilikterdi alyp berý kózdelip otyr.