Eraly Toǵjanov koronavırýs qaýpi týraly aıtty
«Densaýlyq saqtaý júıesi Elbasynyń erekshe qadaǵalaýynda dep aıtsam artyq emes. Medıtsınalyq kómektiń sapasyna, qoljetimdiligine baılanysty birneshe naqty tapsyrma berildi. Bıyl densaýlyq saqtaý júıesinde elimizdiń bir turǵyny úshin qarajat 55-ten 84 myń teńgege deıin ulǵaıǵan. Bul dıagnostıkalyq jáne medıtsınalyq qyzmet túrlerin qarjylandyrýdy 7 esege deıin, tegin beriletin dári-dármekpen qamtamasyz etýdi 2 esege ulǵaıtýǵa, medıtsınalyq uıymdardy 100 paıyz medıtsınalyq tehnıkamen qamtamasyz etýge múmkindik beredi. Sondyqtan bulardyń barlyǵy ashyǵyn aıtqanda Úkimettiń, memlekettiń tarapynan jasalyp jatqan naqty sharalar», - dedi Eraly Toǵjanov.
Ol koronavırýs ınfektsııasynyń taralýyna baılanysty máselege de toqtaldy.
«Ońaı dúnıe emes. Aýqymy qandaı deńgeıge jetkenin kórip otyrsyzdar. 40-tan astam memleketke taralǵan. Qasym-Jomart Kemelulynyń (QR Prezıdenti Qasym-Jomart Toqaev) kún saıyn tikeleı qadaǵalaýynda dep aıta alamyn. Premer-Mınıstr de kún saıyn osy máselege baılanysty birneshe ret otyrys ótkizedi. Vedomstvoaralyq komıssııa kún saıyn jıyn ótkizip turady. Ashyǵyn aıtqanda bul tek qana medıtsına salasynyń máselesi emes. Búkil memlekettik organnyń, eldiń aldynda turǵan úlken mańyzdy másele sanalady», - dedi Úkimet basshysynyń orynbasary.
Premer-Mınıstrdiń orynbasary alqa otyrysyna qatysqan dárigerlerdi koronavırýstyń qaýiptiligin halyqqa túsindirý jumystaryna belsendi qatysýǵa shaqyrdy.