Eraly Toǵjanov Kásipodaqtar kúnine arnalǵan saltanatty sharaǵa qatysty
Saltanatty shara barysynda sóz alǵan Kásipodaqtar federatsııasynyń tóraǵasy: «merekege resmı mártebeniń berilýi - kásipodaqtardyń áleýmettik-eńbek salasyndaǵy máselelerdi sheshýde róliniń joǵary ekendiginiń aıqyn dáleli», - dep atap ótti.
«Elbasy Nursultan Nazarbaev qazaqstandyq kásipodaqtardy – turaqtylyqtyń tiregi, áleýmettik-eńbek qatynastarynyń bazalyq elementi deı otyryp, olardyń mańyzdy rólin atap ótken bolatyn. Elbasynyń joǵary senimi - bir jaǵynan, úlken jaýapkershilik, ekinshi jaǵynan, belsendi jumys isteýge degen baǵyt-baǵdar.
Qazaqstan Prezıdenti Qasym-Jomart Toqaev óz Joldaýynda bılik pen azamattyq qoǵamnyń ózara baılanysyn nyǵaıtýǵa shaqyrdy. Jáne bul bizge, kásipodaqtarǵa, elimizdegi eń aýqymdy qoǵamdyq uıym retinde jumys isteýge jańa qarqyn beredi», - dep atap ótti Eraly Toǵjanov.
Kásipodaqtar kúni aımaqtyń úzdik kásipodaqtar músheleri, kásipodaq belsendileri jáne áleýmettik áriptester QR Prezıdenti Qasym-Jomart Toqaevtyń, QR Premer-Mınıstri Asqar Mamınniń alǵys hattarymen marapattaldy.
Saltanatty is-shara sońynda QRKF tóraǵasy «ıANS-2» JShS eńbek ujymymen kezdesti.
Kásiporyn qoǵamdyq kólik salasynda qyzmet kórsetedi jáne ońtústik óńiriniń naryǵynda kóp jyldan beri jumys isteıtin bedeldi kásiporyndardyń biri bolyp tabylady.
Beıresmı formatta uıymdastyrylǵan júzdesýde QRKF basshysy jumysshylardy Kásipodaqtar kúnimen quttyqtaı otyryp, eńbekkerlerdiń kókeıkesti máselelerimen tanysty. Sonyń ishinde, ujymdyq shart, eńbek qaýipsizdigi jáne bastaýysh kásipodaq uıymynyń qyzmeti talqylandy.
Kezdesý barysynda kásiporynnyń úzdik kásipodaq músheleri Kásipodaqtar federatsııasy tóraǵasynyń Alǵys hatymen jáne qurmet gramotasymen jáne «Kásipodaqtarǵa sińirgen eńbegi úshin» medalimen marapattaldy.
