Eraly Toǵjanov karateden Azııa chempıonatynyń jeńimpazdaryn marapattady
ASTANA. QazAqparat - Mańǵystaý oblysynyń ákimdiginde aımaq basshysy Eraly Toǵjanov karate-dodan Azııa chempıonatynyń jeńimpazdarymen kezdesti. Jeńimpazdarǵa baǵaly syılyqtar men sertıfıkattar tabystaldy, dep habarlady Mańǵystaý oblysy ákimdiginiń baspasóz qyzmeti.
9-16 shilde aralyǵynda Astana qalasynda karate-dodan jasóspirimder men kadetter arasynda 16-shy jáne eresekter arasynda 14-shi Azııa chempıonaty ótken bolatyn. Chempıonatqa 24 el qatysty, ár salmaq dárejesinde ár elden bir sportshydan qatysýǵa ruqsat berilgen jáne qatysýshylardyń jalpy sany 670 adam bolǵan.
12-16 shilde aralyǵynda Astana qalasynda ótken Azııa chempıonatynda Aqtaý qalasynyń karate sport mektebiniń 12 jasóspiriminiń 9-y medalǵa ıe boldy.
Eresekter men áıelderdiń Qazaqstan quramasy komandalyq eseppen 3 oryn alsa, komanda quramynda Sabına Zaharova, Ekaterına Hýpovets, Ermek Aınazarov jáne Asylbek Muratovtar qola júldege ıe boldy.
Oblys ákimi sportshylardyń Azııa chempıonatynda jaqsy óner kórsetkenderi úshin alǵys bildirip, marapattady jáne karate-do sport mektebi jattyqtyrýshylarynyń jumysyn joǵary baǵalady.
«Cizder, Azııa chempıonatynda aımaǵymyzdyń abyroıyn asqaqtattyńyzdar. Biz jeńisterińizdiń arqasynda Sizdermen maqtanamyz. Bolashaqta úlken jetistikterge jetip, elimizdiń mártebesin álemdik deńgeıde kóterýge tilektespin. Sizder, elimizdiń, Qazaqstannyń namysyn qorǵap júrsizder, al karate-do Olımpıadalyq sporttyń túrine jatady. Elimizdiń týyn kóteretin úzdik sportshylardyń qataryna kirýge erekshe múmkindikterińiz bar», - dedi oblys ákimi Eraly Toǵjanov.
Sportshylar oblys ákimi Eraly Toǵjanovqa aımaqtaǵy sporttyń damýyna qoldaý kórsetip otyrǵanyna alǵystaryn bildirip, sport áleminde joǵary jetistikterge jetýge ýáde berdi.
«Jattyqtyrýshylar, sport mekemeleriniń qyzmetkerleri men basshylarynyń arqasynda Mańǵystaý sportshylary ártúrli deńgeıdegi jarystarda, Álem chempıonattary men Olımpıada oıyndarynda oblysymyz ben elimizdiń abyroıyn asqaqtatýda. Sportshylardy, jattyqtyrýshylar quramyn jeńisterińizben shyn júrekten quttyqtaı otyryp, Sizderge bereke-birlik, myqty densaýlyq, sáttilik pen tabys, eńbekterińizge jemis tileımin», - dedi Qazaqstan Respýblıkasy karate-dodan aǵa jattyqtyrýshy, oblystyq mamandandyrylǵan balalar men jasóspirimder sport mektebiniń dırektory Mansýrov Parvız Dýnıamalı.
