Eraly Toǵjanov Elbasynyń qatysýymen ótetin Qazaqstan halqy Assambleıasy HHІ sessııasynyń taqyryptaryn atady
«Assambleıa sessııaǵa úlken daıyndyqpen kele jatyr. «Qazaqstan-2050» strategııasy: beıbitshilik, rýhanııat jáne kelisim mádenıeti» atty sessııa taqyryby óte ózekti bolyp tabylady. Beıbitshilik mádenıetine Táýelsizdiktiń alǵashqy kúninen bastap Memleket basshysy aıryqsha nazar aýdardy. Bul taqyryp Qazaqstan halqy Assambleıasynyń mańyzdy baǵyttarynyń biri. Sondyqtan da QHA-nyń HHІ sessııasyna osy máseleni arqaý etpek», - dedi E.Toǵjanov. Sonymen qatar ol sessııa otyrysynda aldaǵy jyly atalyp ótetin Assambleıanyń jıyrma jyldyǵyna daıyndyq sharalary talqylanatynyn atap ótti. Osy ataýly dataǵa oraı Assambleıany damytý tujyrymdamasy boıynsha sharalardyń biryńǵaı jospary ázirlenbek. Budan buryn habarlanǵandaı, Astanada 18 sáýirde Qazaqstan halqy Assambleıasynyń kezekti jıyrma birinshi sessııasy ótedi. Bul týraly tıisti Ókimge Memleket basshysy Nursultan Nazarbaev qol qoıdy. Sessııanyń kún tártibine «Qazaqstan-2050» strategııasy: beıbitshilik, rýhanııat jáne kelisim mádenıeti» taqyryby usynyldy.
