Eraly Toǵjanov eki aptalyq karantınniń sebebin túsindirdi
NUR-SULTAN. QazAqparat – QR Premer-Mınıstriniń orynbasary Eraly Toǵjanov elimizde ne sebepti eki aptalyq karantın engizý sheshimi jasalǵanyn túsindirdi, dep habarlaıdy QazAqparat.
«Birneshe nusqa pysyqtaldy. Nelikten eki aptalyq karantındi tańdadyq? Birinshiden, halyq arasynda vırýstyń taralýyn barynsha azaıtý maqsat etip qoıyldy. Ekinshiden, ınkýbatsııalyq kezeń eki aptany qurap otyr. Ol mańyzdy merzim jáne ony eskerý kerek boldy. Osy oraıda tıisti eskertý jasadyq», - dedi E. Toǵjanov Ortalyq kommýnıkatsııalar qyzmetinde.
Sonymen qatar ol eki aptalyq karantınnen keıin qatań sharalardy qabyldaý týraly tıisti másele kóterilse, onda qajetti kúsheıtilgen sharalar engizilýi múmkin ekenin aıtty.
Eske sala keteıik, búgin Memlekettik komıssııa epıdemıologııalyq jaǵdaıdy turaqtandyrý jónindegi sharalardy bekitken bolatyn. Qazaqstanda epıdemıologııalyq ahýaldyń órshýin jáne koronavırýs ınfektsııasymen syrqattanýshylyqtyń ósýin eskere otyryp, Memlekettik komıssııa bıylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady.
Úkimet basshysy elimizdegi epıdemıologııalyq ahýaldyń aldaǵy ýaqytta qalaı ózgeretinine baılanysty atalǵan shekteý sharalary 2 aptaǵa uzartylýy nemese qatańdatylýy múmkin ekenin atap ótti.
