Eraly Toǵjanov bıologııalyq qaýipsizdik týraly qujat boıynsha pikir bildirdi

NUR-SULTAN. QazAqparat –Premer-Mınıstrdiń orynbasary Eraly Toǵjanov bıologııalyq qaýipsizdik týraly qujat boıynsha pikir bildirdi, dep habarlaıdy QazAqparat tilshisi.

«Bıyl Qazaqstan tarıhynda alǵash ret bıologııalyq qaýipsizdik týraly arnaıy zań qabyldanbaq. Qujat bıologııalyq qatermen kúres úshin quqyqtyq baza qurady. El qaýipsizdigin boljaýdyń ulttyq júıesin qurý josparlanǵan. Bul óz kezeginde bıologııalyq qaterden qorǵaý boıynsha jumysty júıeli túrde júrgizýge múmkindik beredi», - dedi Eraly Toǵjanov Úkimettegi onlaın baspasóz máslıhatynda.

Sonymen qatar ol otandyq dári-dármek pen medıtsınalyq zattardy óndirýge basymdyq beriletinin aıtty.

Aıta keteıik, bıyl qyrkúıek aıynyń orta kezinde Májilis depýtattarynyń aldynda «Qazaqstan Respýblıkasynyń bıologııalyq qaýipsizdigi týraly» zań jobasy tanystyryldy.